සයිබර් අවකාශයේත් යහපාලනය ක්‍රියාත්මක විය යුතුයි

0

නිදහසේ තොරතුරු ගලා ඒම සහ පුද්ගලික නිදහස අතර සමබරතාවක් ඇති කරලීම උදෙසා සයිබර් අවකාශයේ යහපාලනයක් ක්‍රියාත්මක විය යුතුය බවට අගමැති රනිල් වික්‍රමසිංහ විශ්වසය පල කරයි.

එමගින් අන්තර්ජාල මධ්‍යස්ථාභාවය ඇති කර ගැනීම ඔස්සේ සයිබර් අවකාශයේ වර්ධනාත්මක මෙන්ම විප්ලවීය පියවර ගත හැකි වනු ඇති බවට විශ්වාස කරන බව අගමැතිවරයා කියා සිටියේ 23 බ්‍රහස්පතින්දා නවදිල්ලි නුවර පුල්මන් හෝටලයේ එරොසිටි හි දී පැවති සයිබර් අවකාශ ගෝලීය සමුළුව විවෘත කිරිමේ උත්සවය අමතමිනි.

ජීවන තත්වය උසස් කිරීම, මානව සංවර්ධනය හා සමාජ ප්‍රතිසංස්කරණ ක්‍රියාවලියේ ප්‍රධාන නිර්ණායකයක් බවට සයිබර් අවකාශය පත්වී තිබෙන බව අවධාරණය කළ අගමැතිවරයා මේ හේතුවෙන් මානව සමාජයට අලූත් අභියෝගයන් ද එල්ල වෙමින් පවතින බව ද පෙන්වා දුනි.

මානව නිදහස සහ අයිතීන්, පුද්ගලික නිදහස ආදී ක්ෂේත්‍රයන් වෙත මේ අභියෝගයන් වැඩි වැඩියෙන් සයිබර් අවකාශය හරහා එල්ල වෙමින් පවතින බැවින් සයිබර් ආචාර ධර්ම පිළිබඳ අවධානය යොමු කිරීමට සුදුසු කාලය එළඹ ඇති බව අගමැති රනිල් වික්‍රමසිංහ වැඩි දුරටත් කියා සිටියේය.

Facebook Comments

wedding people