ජනවරම ලැබුනේ නව ව්‍යවස්ථාවකට – බිමල් රත්නායක

0

යහපාලන රජය බිහි කිරිමට 2015 මැතිවරණයේදී ජනතාව ජනවරමක් ලබා දුන්නේ නව ආණ්ඩුක්‍රම ව්‍යවස්ථාවක් සකස් කිරීම වෙනුවෙන් බව පවසන ජනතා විමුක්ති පෙරමුණේ පාර්ලිමේන්තු මන්ත්‍රි බිමල් රත්නායක ඒ අනුව ආණ්ඩුව කටයුතු කල යුතු බව අවධාරණය කරයි.

ත්‍රෛනිකායික මහානාහිමිවරුන් නව ව්‍යවස්ථාවක් සකස් නොකරන ලෙස කළ ඉල්ලීම උන්වහන්සේලාගේ අදහස බවයි 05 බදාදා ජනතා විමුක්ති පෙරමුණේ ප්‍රධාන කාර්යාලයේදී පැවැති මාධ්‍ය හමුවට එක්වෙමින් මන්ත්‍රීවරයා කියා සිටියේ.

මීට පෙර පත්වූ සියලුම ආණ්ඩු නව ව්‍යවස්ථාවක් සකස් කරන බවට පොරොන්දු දී ආණ්ඩු බලය ලබාගත් බව පෙන්වා දුන් මන්ත්‍රීවරයා එය මේ වන තෙක් ඉටු කිරිමට පාලකයන් සමත්ව නොමැති බවද පැවසුහ.

නව ව්‍යවස්ථා කටයුතු සම්පාදනය පිළිබඳ නිසි මතය මහනායක හිමිවරුන් දැනුම්වත් කිරීමට පවා වත්මන් ආණ්ඩුව අපොහොසත්වී ඇති බවට චෝදනා කරන මන්ත්‍රීවරයා එම හේතුවෙන් අන්තවාදී කොටස් නව ව්‍යවස්ථාව සම්බන්ධෙයෙන් කරගෙන යන මතවාද සමාජගත වී ඇති බව පෙන්වා දුනි.

එම අන්තවාදී මතයන් නැවැත්වීම සඳහා විනිවිදභාවයෙන් යුතු සමාජ දැනුම්වත් කිරිමට රජය වහා පියවර ගත යුතු බවයි ජනතා විමුක්ති පෙරමුණේ පාර්ලිමේන්තු මන්ත්‍රි බිමල් රත්නායක වැඩි දුරටත් කියා සිටියේ.

Facebook Comments

wedding people