පාර්ලිමේන්තු සැසිවාරය අවසන් කිරීමත් සමඟ අහෝසි වූ පොදු ව්‍යාපාර පිළිබඳ පාර්ලිමේන්තු කාරක සභාවේ (කෝප්) සභාපති ධුරයට පාර්ලිමේන්තු මන්ත්‍රී සුනිල් හඳුන්නෙත්ති නැවත වරක් පත් කර තිබේ.
එසේම රාජ්‍ය ගිණුම් පිළිබඳ කාරක සභාව සහ මුදල් පිළිබඳ කාරක සභාව යන පාර්ලිමේන්තු කාරක සභා 2 සඳහාද ඒවායේ මීට පෙර සභාපතිවරුන් ලෙස කටයුතු කළ පිළිවෙලින් නියෝජ්‍ය අමාත්‍ය ලසන්ත අලගියවන්න සහ පාර්ලිමේන්තු මන්ත්‍රී එම්.ඒ.සුමන්තිරන් යන අය පත්කිරීමටද තීරණය කර ඇත.
පාර්ලිමේන්තුව නියෝජනය කරන පක්ෂ නායකයින් 17 බ්‍රහස්පතින්දා රැස්වු අවස්ථාවේ දී මෙම තීරණයට එළඹ තිබේ.
පාර්ලිමේන්තු සැසිවාරය කල් තැබීමත් සමඟ පාර්ලිමේන්තුවේ කාරක සභා 15ක් පමණ අහෝසිව ගිය අතර එම කාරක සභා සඳහාද ඉදිරියේ දී සාමාජිකයන් පත්කිරීමට නියමිත බවයි වාර්තා වන්නේ.
Facebook Comments
