සමෘද්ධි බැංකුව මහ බැංකුවේ පාලනයට යටත් කිරීමට කටයුතු කරන බව අග්‍රමාත්‍ය රනිල් වික්‍රමසිංහ පවසයි.
සෙසු සියලුම බැංකු, මහ බැංකුවේ පාලනයට යටත්ව පැවතුණ ද සමෘද්ධි බැංකුව මහ බැංකුවේ පාලනයකින් තොරව ක්‍රියාත්මක වන බව අග්‍රමාත්‍යරයා 06 ඉරිදා එක්සත් ජාතික පක්ෂ මැයි දින රැළිය අමතමින් කියා සිටියේය.
සමෘද්ධි බැංකුව මුදල් අමාත්‍යංශයේ රෙගුලාසි යටතේ පාලනය කිරීමට පියවර ගන්නා ලෙස තමන් මුදල් මංගල සමරවීර වෙත උපදෙස් ලබාදුන් බව ද අගමැති රනිල් වික්‍රමසිංහ මෙහිදි ප්‍රකාශ කළේය.
මහ බැංකුවට ගන්න බැහැ
කෙසේ වෙතත් පවතින නීතියට අනුව සමෘද්ධි බැංකුව මහ බැංකුව යටතට පත්කළ නොහැකි බව හිටපු මුදල් රාජ්‍ය අමාත්‍ය ලක්ෂ්මන් යාපා අබේවර්ධන පවසනවා.
සමෘද්ධි බැංකුව මහ බැංකුව යටතට පත්කර ගන්නා ලෙස මුදල් අමාත්‍යවරයාට උපදෙස් දුන් බවට අගමැතිවරයා කළ ප්‍රකාශයට ප්‍රතිචාර දක්වමින් ඇමැතිවරයා මේ බව කියා සිටියේය.
සමෘද්ධි බැංකුව මහ බැංකුව යටතට පත්කිරීමට නම් පාර්ලිමේන්තුවේ පනතක් ගෙන ආ යුතු බව පෙන්වා දෙන ඇමැතිවරයා මෙලෙස ප්‍රකාශ කළද එය සිදු කළ නොහැකි බවත් එය නිවැරදි කරන ලෙස අගමැතිවරයාගෙන් ඉල්ලා සිටින බව ද වැඩි දුරටත් පැවසීය.
Facebook Comments
