කොවිඩ් 19 වෛරස් රෝගය පැතිරීම වළක්වා ගැනීම සඳහා සෑම සේවා ස්ථානයක්ම අනුගමනය කළ හැකි පියවර කිහිපයක් ලෝක සෞඛ්‍ය සංවිධානය විසින් හදුන්වා තිබේ.
වීඩියෝ නිදර්ශන සහිතව එම සංවිධානය විසින් ප්‍රසිද්ධ කර තිබෙන වීඩියෝවක දැක්වෙන සෑම සේවා ස්ථානයකම අනුගමනය කළ යුතු සෞඛ්‍යාරක්ෂිත පියවර අට පහත පරිදිය.
01. කාර්යාලයට ඇතුල් වන සෑම ස්ථානයකම ජල කරාමයක් සමග සබන් හෝ මධ්‍යසාර සහිත දෑත් පිරිසිදුකාරකයක් තබන්න,
02. මතුපිට පෘෂ්ඨයන් නිතර විෂබීජහරණය කරන්න. විශේෂයෙන්ම ඡායා පිටපත් යන්ත්‍ර වැනි හවුලේ භාවිතකරන උපකරණ මෙසේ නිතර විෂබීජ හරණය කළ යුතුය,
03. කාර්ය මණ්ඩලයේ එකිනෙකා අතර මීටරයකවත් දුරස්ථභාවයක් පවත්වාගන්න,
04. එක් එක් අංශ අතර දොරවල් නිතරම විවෘතව තබන්න,
05. සේවා ස්ථාන වල හොදින් වාතාශ්‍රය ලැබෙන සේ කටයුතු කරන්න,
06. පුද්ගලයන් එක් රැස් වන රැස්වීම් වලින් වලකින්න. වීඩියෝ සම්මන්ත්‍රණ සහ ඊමේල් වැනි වෙනත් ක්‍රම භාවිත කරන්න,
07. රෝගී පුද්ගලයන්ව තාවකාලිකව රැදවීමට විෂබීජහරණය කළ හැකි හුදෙකලා කාමරයක් වෙන් කර ගන්න.එය යාබද නාන කාමරයක් සහිත නම් වඩා හොදය,
08. කාර්යාලයට ඇතුළු වීමට පෙර කාර්ය මණ්ඩලයේ ශරීර උෂ්ණත්වය පරීක්ෂා කර බලන්න.
ලෝක සෞඛ්‍ය සංවිධානය විසින් සමාජ මාධ්‍ය ඔස්සේ ප්‍රසිද්ධ කළ වීඩියෝව පහතින්,
Facebook Comments
