ආණ්ඩු පක්ෂයේ පාර්ලිමේන්තු මන්ත්රීවරුන් වන විජයදාස රාජපක්ෂ හා හිටපු ජනාධිපති මෛත්‍රීපාල සිරිසේන 20 වන ආණ්ඩුක්‍රම ව්‍යවස්ථා ඡන්ද විමසන අවස්ථාවේදී පාර්ලිමේන්තු මඟහැර සිටීමට තීන්දු කර ඇතැයි වාර්තාවේ.
මේ අතර සමගි ජන බලවේගය නියෝජනය කරන මන්ත්රීවරුන් පිරිසක් සංශෝධනයට පක්ෂ වීමට තීන්දු කර ඇති බවද මාධ්‍ය වාර්තා කර තිබේ.
රත්නපුර මන්ත්‍රී හේෂා විතානගේ, අනුරාධපුර මන්ත්‍රී රෝහණ බණ්ඩාර හා බදුල්ල මන්ත්‍රී චමින්ද විජේසිරි යන මන්ත්රීවරුන් මෙන්ම ඩයනා ගමගේ මන්ත්‍රීවරිය 20 වන සංශෝධනයට පක්ෂව ඡන්දය ලබා දෙනු ඇතැයි එම වාර්තා වල සදහන්ව ඇත.
ඊට අමතරව සමගි ජන බලවේගයෙන් පසුගිය මහ මැතිවරණයට ඉදිරිපත් වූ රිෂාඩ් බදියුදීන්ගේ පක්ෂයේ දෙදෙනෙකු හා රවුෆ් හකීම් ගේ පක්ෂයේ මන්ත්රීවරුන් සිව් දෙනෙකු විස්සට සහය දෙමින් අද පස්වරුවේ ආණ්ඩුවට එක්වීමට නියමිත බව දේශපාලන ආරංචිමාර්ග පවසන්නේ.
මේ අතර විසි වන සංශෝධනයට පක්ෂව තම පක්ෂයේ කිසියම් මන්ත්‍රීවරයකු ඡන්දය දුන්නොත් වහාම එවැනි මන්ත්‍රීවරයකු පක්ෂයෙන් නෙරපා හැරීමට 22 බ්‍රහස්පතින්දා සමගි ජන බලවේගය පක්ෂයේ පාර්ලිමේන්තු කණ්ඩායම් රැස්වීමේදී තීන්දු කර ඇත.
මෙම පනත් කෙටුම්පතට අදාළ ඡන්ද විමසීම අද පස්වරු 7ට පාර්ලිමේන්තුවේදී පැවැත්වීමට නියමිතය.
Facebook Comments
