කලාකරුවන්ගේ නිර්මාණශීලි නිදහස ආරක්ෂා කිරීමට රජය බැඳී සිටිනවා – මාධ්‍ය ඇමැති

0
1291
wedding people

රජය කලාකරුවන්ගේ නිර්මාණශීලි නිදහස ආරක්ෂා කිරීමට පියවර ගෙන ඇති බව පවසන මුදල් හා ජනමාධ්‍ය අමාත්‍යවරයා වත්මන් ආණ්ඩුවට මඩ ගැසීමට අවශ්‍ය අය විකෘති මතයක් රට තුල ගොඩනඟන බව කියා තිබේ.

අමරදේව සෞන්දර්ය හා පර්යේෂණ කේන්ද්‍රය පනත් කෙටුම්පත විවාදයට ගත් අවස්ථාවේ දී අඳහස් දක්වමින් 23 බ්‍රහස්පතින්දා මංගල සමරවීර ඇමැතිවරයා කියා සිටියේය.

“අපි රජයක් ලෙස කලාකරුවන්ගේ නිර්මාණශීලි නිදහස ආරක්ෂා කරන්න පියවර ගෙන තිබෙනවා. 2015 නව රජය පිහිටුවන විට මේ රටේ කලාකරුවන්, නිදහස් පුරවැසියන් වගේම සිවිල් සමාජය විශාල අර්බුදවලට ලක්ව සිටියා. ඔවුන් වෙත විශාල භීෂණයක් මුදාහැර නිර්මාණ බිහිකිරීමේ නිදහස දැඩි ලෙස අහුරා සිටියා.”

“කලාකරුවන් එක්ව අලුත් පරපුර නමින් ගමින් ගමට යමින් ජනතාව වෙත තමන්ගේ විරෝධතාවන් දක්වමින් සිටිය දී පසුගිය රජය මැරයන් දමා ඔවුන්ට පහර දුන්නා. මේ අය අතර ලංකාවේ ප්‍රවීන සංගීතඥයන්, නළු නිළියන් වගේම අධ්‍යක්ෂවරුන්, රචකයන් ඇතුළු කලාකරුවන් රැසක් සිටියා. එදා ඒ අයට පහරදෙන විට නීතිය ක්‍රියාත්මක කරන්න පොලීසිය ඉදිරිපත් වුණේ නැහැ.” යි අමාත්‍යවරයා සඳහන් කළේය.

රාජපක්ෂ පාලන සමයේදී කලාකරුවන් වගේම සිවිල් සමාජය එක්ට එක්ව රටේ ඇතිවෙමින් තිබූ ඒ මැර පාලනයට විරුද්ධව ප්‍රජාතන්ත්‍රවාදී විදියට කටයුතු කල බව කී මංගල සමරවීර ඇමැතිවරයා “දැන් කලාකරුවන්ට, නිර්මාණකරුවන්ට රටතුළ විශාල නිදහසක් හිමිව තිබෙනවා.” යි කියා සිටියේය.

රටේ කලාත්මක අතින් උසස් නිර්මාණ සඳහා ඇති ඉල්ලුම ඉහළ යන බව පෙන්වා දුන් ඇමැතිවරයා වත්මන් ප්‍රතිපත්තිය වන්නේ එවැනි උසස් නිර්මාණ දිරිගන්වමින් වඩාත් බුද්ධිමත් සමාජයක් බිහිකර ගැනීම බවයි වැඩි දුරටත් පෙන්වා දෙන්නේ.

Facebook Comments