උසාව් භූමියේ “වොයිස් කට්” දීම ගැන නීතිඥ මේජර්ට අවවාද

0
700
Ivory Agency Sri Lanka
wedding people

අගනුවරදී තරුණයන් පිරිසක් පැහැරගෙන ගොස් අතුරුදහන් කිරීමට චෝදනා ලබන ශ්‍රී ලංකා නාවික හමුදාවේ හිටපු ජ්‍යෙෂ්ඨ නිලධාරියකු සම්බන්ධ නඩු විභාගය වාර්තා කිරීමට එරෙහිව වාරණ නියෝගයක් ලබා ගැනීමට උත්සාහ කළ විත්ති පාර්ශවයම ජනමාධ්‍ය හමුවේ කරන ප්‍රකාශ මගින් නඩුකරයට බලපෑමක් කෙරෙන බවට අගතියට පත් පාර්ශවය අධිකරණයට දන්වා තිබේ.

සැකකරුවන් වෙනුවෙන් පෙනී සිටින මේජර් අජිත් ප්‍රසන්න උසාවි භූමියේදී ජනමාධ්‍ය හමුවේ කරන ප්‍රකාශ මගින් සාක්ෂිකරුවන්ට සහ විමර්ශන කරන නිලධාරීන්ට යුතු බලපෑමක් කෙරෙන බවට ජනාධිපති නීතිඥ ක්‍රිශාන්ත වැලිඅමුණ විසින් කොටුව මහේස්ත්‍රාත් ලංකා ජයරත්න හමුවේ කරුණු දක්වා තිබේ.

ඒ සම්බන්ධයෙන් සැකකරුවන් වෙනුවෙන් පෙනී සිටින නිතිඥවරයා හට මහේස්ත්‍රාත්වරිය අවවාද කළ බව පැමිණිල්ල වෙනුවෙන් පෙනී සිටින නීතිඥ අචලා සෙනෙවිරත්න මාධ්‍යවේදීන් හා ප්‍රකාශ කළ අතර නීතිඥ අජිත් ප්‍රසන්න ප්‍රකාශ කරන්නේ තමන් ජනමාධ්‍ය හමුවේ කියා සිටියේ විවෘත අධිකරණයේදී පැවසූ දේම බවයි.

CID අයින් කරන්න

අපරාධ පරීක්ෂණ දෙපාර්තමේන්තුව පක්ෂග්‍රාහී බවට චෝදනා කරමින් සිද්ධිය සම්බන්ධ පරික්ෂණ වලින් රහස් පොලිසිය ඉවත් කරන ලෙස සැකකාර නාවික හමුදා නිලධාරීන් වෙනුවෙන් පෙනී සිටින අධිනීතිඥ අසිත් සිරිවර්ධන අධිකරණයෙන් ඉල්ලීමක් කළේය.

රජයේ නීතිවේදී ජනක බණ්ඩාර සහ අතුරුදහන්වුවන්ගේ ඥාතීන් වෙනුවෙන් ඉදිරිපත්වන අචලා සෙනෙවිරත්න එම ඉල්ලීමට දැඩිව විරෝධය පල කර ඇති අතර ඒ සම්බන්ධයෙන් ලිඛිතව කරුණු දක්වන ලෙස කොටුව මහේස්ත්‍රාත්වරිය සියලු පාර්ශව වලට නියෝග කර ඇත.

Facebook Comments