යෝෂිතගේ ඩේසි ආච්චිට නොතීසි

යෝෂිත රාජපක්ෂගේ මිත්තණියක වන ඩේසි ෆොරස්ට්ට (82) ලබන 31 වැනි දා අධිකරණයේ පෙනී සිටින ලෙස නියෝග කර ඇත.

කොළඹ අතිරේක මහේස්ත්‍රාත් ඔගස්ටා අතපත්තු විසින් මෙම නියෝග නිකුත් කළේය.

ගල්කිස්සේ ඉඩමක් සම්බන්ධයෙන් ප්‍රකාශයක් ලබාගැනීමට එෆ්සීඅයිඩියේ පෙනී සිටින ලෙස නොතීසි නිකුත් කරන ලෙස පොලිසිය ඉල්ලා සිටියත් මහේස්ත්‍රාත්වරිය ඇයට අධිකරණයේ පෙනී සිටින ලෙසට නියෝග නිකුත් කළාය.

නීතිඥවරුන් සමග අද (26) ඇය අධිකරණයේ පෙනී සිටි අතර ඇයගේ නිතිවේදින් කියා සිටියේ ඇගේ සෞඛ්‍ය තත්ත්වය අනුව අගෝස්තු 31 වැනිදා අධිකරණයේ පෙනී සිටීමට හැකිවනු ඇති බවයි.