ගෝඨාබය යැංකි සිංහල බෞද්ධයෙක් – චම්පික (VIDEO)

0

ඉදිරි ජනාධිපතිවරණයේදී රාජපක්ෂ පවුලේ යැංකි පන්නයේ සිංහල බෞද්ධයා සමග තරඟ කිරීමට එක්සත් ජාතික පෙරමුණෙන් නියම සිංහල බෞද්ධ අපේක්ෂකයෙකු ඉදිරිපත් කරන බවට සිංහල බෞද්ධයන් වෙනුවෙන් පෙනී සිටින අමාත්‍යවරයෙකු ප්‍රකාශ කර තිබේ.

“යැංකින්ගේ සිංහල බෞද්ධකම වෙනුවට, නියම ශ්‍රී ලාංකික බෞද්ධ කමත් එක්ක අනිකුත් ආගම් ආරක්ෂා කරන අපේක්ෂකයෙක් එයි.” චම්පික රණවක අමාත්‍යවරයා මල්වතු මහා විහාරයේ පැවති අක්ත පත්‍ර ප්‍රදානෝත්සවයකින් අනතුරුව මාධ්‍යවේදීන් හා කියා සිටියේය.

එක්සත් ජාතික පෙරමුණ නියෝජනය කරමින් සජිත් ප්‍රේමදාස ජනාධිපති අපේක්ෂකයා ලෙස ඉදිරිපත් කරන බව මංගල සමරවීර අමාත්‍යවරයා ප්‍රසිද්ධියේ ප්‍රකාශ කර තිබුනත් ඒ පිළිබඳව තවමත් සාකච්ඡා කර නොමැති බවයි ඇමැතිවරයා පවසන්නේ.

ජනාධිපති තරගයට ඉදිරිපත් වීම සඳහා සූදානම් වන හිටපු ආරක්ෂක ලේකම් ගෝඨාභය රාජපක්ෂ අමාත්‍ය රණවක විසින් හඳුන්වන ලද්දේ පවුල්වාදී වරිග සභාවේ අපේක්ෂකයා ලෙසයි.

2015 වසරේ දී පවුල්වාදය පරාජ කළ ආකාරයට ඉදිරි ජනාධිපතිවරණයේදී ද රාජපක්ෂ පවුලේ අපේක්ෂකයා පරාජයට පත් වනු ඇති බවට චම්පික රණවක අමාත්‍යවරයා විශ්වාසය පළ කළේය.

Facebook Comments

wedding people