ඉදිරි ජනාධිපතිවරණයට තරඟ කිරීමට සුදානමින් සිටින රාජපක්ෂ පාලනයේ ආරක්ෂක ලේකම්වරයාට එරෙහි සිංහලයන් දෙදෙනෙකු ද ඇතුළුව දස දෙනෙකු එක්සත් ජනපදයේ පවරා ඇති නඩුවේ පැමිණිල්ල සිංහලෙන් හා දෙමළෙන් ප්‍රසිද්ධියට පත් කර ඇත.
හිටපු ආරක්ෂක ලේකම් ගෝඨාභය රාජපක්ෂගේ අණ යටතේ රාජකාරි කරද්දී මිනිසුන් සහ ගැහැණුන් පැහැර ගෙන ගොස්, ලිංගික හිංසන ඇතුලු ක්‍රෑර වධයට ලක්කිරීම සම්බන්ධයෙන් චෝදනා කෙරෙන උසස් හමුදා සහ පොලිස් නිලධාරීන් කිහිප දෙනකු ද පිටු 40 කට වඩා දීර්ඝ නඩුකරයේ නම් කෙරේ.
නඩුව පවරා ඇති දහදෙනා අතරින් කාන්තාවන් තිදෙනකු ඇතුලු අටදෙනෙක් දෙමළය. අනික් දෙදෙනා සිංහලය.
ගෝඨාභය රාජපක්ෂගේ ප්‍රකාශකයකු වන මිලින්ද රාජපක්ෂ විසින් නඩු පැවරීම ප්‍රතික්ෂේප කර තිබුනේ, එය අනාගත ජනාධිපති අපේක්ෂකයාගේ “ප්‍රතිරූපය කෙළසීමේ” උත්සාහයක් ලෙස හුවා දක්වමිනි.
හවුස්ෆෙල්ඩ් ජාත්‍යන්තර නීතිඥ සමාගම හා එක්ව නඩුව පවරන ලද යස්මින් සූකාගේ මූලිකත්වයෙන් යුත් දකුණු අප්‍රිකාවේ ජොහැන්නස්බර්ග් නුවර මූලස්ථාන කොටගත් සත්‍යය හා යුක්තිය සඳහා වන ජාත්‍යන්තර ව්‍යාපෘතිය (ITJP) පවසන පරිදි චෝදනා එක්රැස් කරගන්නා ලද්දේ හය අවුරුද්දක ගවේෂණයකිනි.
ගෝඨාභය රාජපක්ෂට එරෙහි පැමිණිල්ලේ සිංහල හා දෙමළ පිටපත මෙතනින්
Facebook Comments
