ආණ්ඩුවට බහුතරය තිබේදැයි අගමැතිට විශ්වාස නෑ

0
585
Ivory Agency Sri Lanka
wedding people

පාර්ලිමේන්තුව තුළ ආණ්ඩුවේ බහුතරය ලබාගෙන දින කිහියක් ගත වෙද්දී ජාතික ප්‍රශ්නයට දේශපාලන විසඳුමක් ලබාදීමට තවමත් නොහැකි වීම ගැන අගමැතිවරයා යාපනයේදී ප්‍රකාශ කර තිබේ.

ජාතික ප්‍රශ්නයට දේශපාලන විසඳුමක් ලබාදීමට නොහැකි වුයේ ආණ්ඩුවට බහුතර බලයක් නොතිබීම නිසා බවටයි පාර්ලිමේන්තුව තුළ බහුතර බලයක් ඇති බව පෙන්වා ඇති අගමැතිවරයා එහිදී පවසා ඇත්තේ.

“හැමදේටම කලින් අපි දේශපාලන විසඳුමකට එන්න ඕනේ. දේශපාලන විසඳුමක් බලාපොරොත්තුවෙන් අපි කතා කළා. නමුත් අවාසනාවට අපිට පාර්ලිමේන්තුවේ බහුතරයක් නෑ. කාටවත් පාර්ලිමේන්තුවේ බහුතර බලයක් නැහැ.” යි අගමැති රනිල් වික්‍රසිංහ කියා සිටියේය.

පාස්කු ඉරිදා ප්‍රහාරය වළක්වා නොගැනීම සම්බන්ධව ජනතා විමුක්ති පෙරමුණ ආණ්ඩුවට එරෙහිව ගෙන ආ විශ්වාස භංග යෝජනාව ජන්ද 119 කින් ජය ගත්තේ දෙමළ සන්ධානයේ ද සහාය ද ඇතිවය.

ගතවු වසර කිහිපය තුළ ජාතික ප්‍රශ්නය විසඳීමට දැඩි උත්සාහ ගන්නා ලද බව කී අගමැති රනිල් වික්‍රමසිංහ ඉදිරි දෙවසර තුළ 13 වන ව්‍යවස්ථා සංශෝධනයට යටත්ව බලය බෙදා ගනිමින් දේශපාලන විසඳුමක් ලබා දීමට කැප වන බව 15 සඳුදා යාපනය චුන්නාකම්, කන්දරෝඩෛ, ස්කන්දවරෝදය විද්‍යාලයේ 125 වන සංවත්සරයට සහ ත්‍යාග ප්‍රදානෝත්සවයට එක්වෙමින් කියා සිටියේය.

“අපි දේශපාලන විසඳුමකට ඉතාමත් ළඟාවී තිබෙන බව මා කියන්න කැමැතියි. මීළඟ අවුරුදු දෙකක් තුළදී එම ප්‍රශ්නයට විසඳුමක් ලබා දෙනවා. ශ්‍රී ලාංකිකයන් ලෙස ආඩම්බරයෙන් ජීවත් විය හැකි පරිසරයක් එමගින් උදා කරගත හැකියි.අපි කුමන ජාතියකට අයත් වුණත් අපි ශ්‍රී ලාංකිකයෝ යන අනන්‍යතාවයට මා කැමැතියි. මෙහි සිටින සියලූදෙනාම ඒ ආකාරයට සිතිය යුතුයි.”

විවිධ ජාතීන්ගෙන් සමන්විත එංගලන්ත ක්‍රිකට් කණ්ඩායම එංගලන්ත පුරවැසියන් ලෙස තරග කොට ලෝක කුසලානය ජයග්‍රහණය කිරීමට සමත් වූ බව පෙන්වාදුන් අග්‍රාමාත්‍ය රනිල් වික්‍රමසිංහ වසර දහසක් තිස්සේ විවිධ ජාතීන් සමඟ සහයෝගයෙන් ජීවත් වන අප ද ශ්‍රී ලාංකික ජාතියක් ලෙස සිතිය යුතු කාලය එළඹ තිබෙන බවද වැඩි දුරටත් අවධාරණය කළේය.

Facebook Comments