තේරිම් කාරක සභාව මගින් හා අධිකරණය හමුවේ පැවැත්වෙන නඩු විභාගයක් මගින්ද පාස්කු ප්‍රහාර මාලාවේ සත්‍ය හෙළිදරව් කර ගත හැකි බවට අගමැතිවරයා විශ්වාසය පළ කර තිබේ.
පාස්කු ඉරිදා බෝම්බ ප්‍රහාරය සම්බන්ධයෙන් කරුණු දැක්වීමට පාර්ලිමේන්තු තේරීම් කාරක සභාව හමුවට “බයක් නැතිව” යන බවයි අගමැතිවරයා රනිල් වික්‍රමසිංහ පවසන්නේ.
එහිදි “තමන් දන්නා කරුණු” එලි දක්වන බව අගමැති රනිල් වික්‍රමසිංහ ජනමාධ්‍ය වෙත නිකුත් කළ විශේෂ නිවේදනයකින් දන්වා තිබේ.
“මේ තේරීම් කාරක සභාව ගැන සමහරු විවිධ දේ කිව්වත්, එය නිත්‍යානුකූල බව අධිකරණයත් පිළිගෙන තියෙනවා. අපට හංගන්නට දෙයක් නැහැ. ඒ නිසා තේරීම් කාරක සභාව හමුවට යන්නට බයක් නෑ. මාවත් කාරක සභාව විසින් කැඳවා තියෙනවා. මම එය හමුවට ගොස් මා දන්නා තොරතුරු කියනවා.”
ප්‍රහාරය පිළිබඳ බුද්ධි අංශ තොරතුරු නිසි ආකාරයට නිසි තැන්වලට සන්නිවේදනය නොවීමත්, ආරක්ෂක බුද්ධි මණ්ඩලයේ අවධානය නිසි අයුරින් යොමු නොවීමත් ප්‍රශ්න ලෙස පවතින බව අගමැති රනිල් වික්‍රමසිංහ පවසයි.
Facebook Comments
