පළාත් පාලන මැතිවරණය පුරාවටම ඇමරිකාවේ රැඳි සිටි හිටපු ආරක්ෂක ලේකම්වරයා පොදු ජන පෙරමුණ මැතිවරණය ජය ගැනීමත් සමඟ පෙරළා පැමිණි අතර තමන් ඇමරිකානු පුරවැසියෙකු බැවින් මෙරට අගමැති ධුරය ලබා ගැනීමට එය බාධාවක් බව ප්‍රකාශ කර තිබේ.
ශ්‍රී ලංකා පක්ෂෙය් අගමැති ධුරය පිරි නැමුවහොත් එය බාර ගන්නේ දැයි කාටුනායක ගුවන් තොටුපළේ දී මාධ්‍යවේදීන්ට පිළිතුරු දෙමින් ගෝඨාභය රාජපක්ෂ මේ බව කියා සිටියේය.
“බැනේ මම ඇමරිකානු පුරවැසියෙක්නෙ. ඉතින් මට අගමැතිකම බාර ගන්න බැහැ. අනිත් එක මේ වගේ ආණ්ඩුවක අගමැති වෙන්න ඕනේ නැහැ” යි හිටපු ආරක්ෂක ලේකම් ගෝඨභය රාජපක්ෂ මාධ්‍යවේදීන් වෙත ප්‍රකාශ කළේය.
බොරු ප්‍රචාර නිසා ඇතැම් පිරිස් රැවටී යහපාලනය බලයට පත් කල බවත් රැවටීම තේරුම් ගත් ජනතාව තුන් අවුරුද්දකට පසු නැවතත් රාජපක්ෂ පාලනයක් අවශ්‍ය බව මෙම ජන්ද ප්‍රතිඵලය හරහා හා දී ඇති පණිවුඩය බවයි හිටපු ආරක්ෂක ලේකම්වරයා වැඩි දුරටත් කියා සිටියේ.
Facebook Comments
