මෙවර පළාත් පාලන මැතිවරණයේදී ප්‍රකාශිත ජන්ද අතරින් බහුතරය පොහොට්ටුව ලකුණෙන් තරග කළ පොදු ජන පෙරමුණට එරෙහිව භාවිතා කර ඇති බව සෞඛ්‍ය, පෝෂණ හා දේශීය වෛද්‍ය අමාත්‍යවරයා පවසයි.
ශ්‍රී ලංකා පොදු ජන පෙරමුණට ලැබී තිබෙන්නේ ප්‍රකාශිත ඡන්ද සංඛ්‍යාවෙන් 45%කට ආසන්න ඡන්ද ප්‍රතිශතයක් බව පවසන ඇමැති රාජිත සේනාරත්න එය හිටපු ජනපති මහින්ද රාජපක්ෂ 2015 ජනවාරි 08 ලබා ගත් ජන්දය ප්‍රතිශතයටත් වඩා අඩු ජන්ද ප්‍රතිශතයක් බවයි පෙන්වා දෙන්නේ.
යහපාලන ආණ්ඩුවට 2015 ජනවාරි 08 ජනපතිවරණයේ දී ලැබුණු ජනවරම පළාත් පාලන මැතිවරණයේදී තවත් ශක්තිමත් වී තිබෙන බවයි ඇමැතිවරයා නිවේදනයක් නිකුත් කරමින් පවසන්නේ.
පළාත් පාලනමැතිවරණය ජයගෙන අග්‍රාමාත්‍යවරයා වීමට හෝ මහ මැතිවරණයක් පැවැත්වීමට හිටපු ජනාධිපතිවරයා සිහිනයක සිටිය ද එය ඉටු නොවන බව ඇමැති රාජිත සේනාරත්න වැඩි දුරටත් පවසයි.
Facebook Comments
