එක්සත් ජාතික පක්ෂයේ තනි ආණ්ඩුවක් සැදීමට එජාප ප්‍රබලයන් කරන ලද යෝජනාවට ජනාධිපති මෛත්‍රීපාල සිරිසේන ද තම එකඟත්වය පල කර ඇති බව දේශපාලන ආරංචි මාර්ග පවසයි.
මැතිවරණ ප්‍රතිඵලයෙන් පසුව 11 ඉරිදා සිරිකොත මුලස්ථානයට රැස්වු එජාප ප්‍රබලයින් රැසක් අග්‍රාමාත්‍යවරයා ආරක්ෂා කිරීම සහ “තනි කොළ ආණ්ඩුවක්” පිහිටුවිමේ සාකච්ඡා පවත්වා තිබේ.
මේ අතර එක්සත් ජාතික පක්ෂයේ ප්‍රතිපත්ති වලින් යුත් එජාප ආණ්ඩුවක් පිහිටුවන්නේ නම් තමන් එයට එරෙහි නොවන බව ජනාධිපතිවරයා අගමැතිවරයාට දැනුම් දී ඇති බව සිරිකොත ආරංචි මාර්ග කියා සිටි.
අගමැති රනිල් වික්‍රමසිංහ සහ ජනපති මෛත්‍රීපාල සිරිසේන අතර ඊයේ සවස පැවති සාකච්ඡාවක දී ජනාධිපතිවරයා මේ බව කියා සිටි බවයි ආරංචි මාර්ග සඳහන් කරන්නේ.
කෙසේ වෙතත් ජාතික ආණ්ඩුව වසර 2020 වනතෙක් පවත්වාගෙන යෑම සඳහා එක්සත් ජාතික පෙරමුණේ පක්ෂ නායකයන් සිය එකඟත්වය පල කර ඇති බව ද මාධ්‍ය වාර්තා කර තිබුණි.
ජාතික ආණ්ඩුවේ ගිවිසුම පසුගිය දෙසැම්බර් 31 වනදා අවසන් වු හෙයින් සම්මුතිවාදි රජයේ ප්‍රධාන පක්ෂ දෙකෙන් එකකට තනි ආණ්ඩුවක් පිහිටුවීමට අවස්ථාව ඇති බවයි දේශපාලන විචාරකයන් පෙන්වා දෙන්නේ.
Facebook Comments
