දැන් නායකයින් පාර්ලිමේන්තුවේ සිටම මාධ්‍යවේදින් බිය වද්දනවා – මහින්ද (VIDEO)

0
512
Ivory Agency Sri Lanka
wedding people
Loading...

වර්තමානයේ සිටින නායකයින් පාර්ලිමේන්තුවේ සිටම මාධ්‍යවේදින් බිය වද්දන බව හිටපු ජනාධිපතිවරයා පවසනවා.

දෙමළ මාධ්‍යවේදින් වෙනුවෙන් පැවති හමුවකදී හිටපු ජනපති කුරුණෑගල දිස්ත්‍රික් පාර්ලිමේන්තු මන්ත්‍රී මහින්ද රාජපක්ෂ මේ බව පැවසීය.

මාධ්‍ය නිදහස ගැන කතා කළද වර්තමානය වන විට මාධ්‍ය නිදහස නොමැති බවයි හිටපු ජනාධිපතිවරයා පවසන්නේ.

පවතින රජය මාධ්‍ය නිදහස ගැන කතා කළද මාධ්‍යවේදින්ට ඹ්න දෙයක් ගැන ලියන්න රූපවාහිනියට අවශ්‍ය දෙයක් ප්‍රචාරය කරන්න හැකිදැයි මහින්ද රාජපක්ෂ ප්‍රශ්ණ කරනවා.

තමන්ගේ රජය පැවති සමයේ තමන්ට විරුද්ධව මාධ්‍යවේදින් ලියු බවත් මේ වන විටත් දෙමළ මාධ්‍යයෙහි තමන්ට විරුද්ධ පුවත් ප්‍රචාරය වෙන බවයි ඔහු පෙන්වා දෙන්නේ.

පසුගිය රජය සමයේ මාධ්‍යවේදින්ට පහරදීම් සහ අතුරුදහන්කරවීම් සම්බන්ධව මාධ්‍යවේදියෙක් නැගූ ප්‍රශ්ණයකට පිළිතුරු දෙමින් හිටපු ජනාධිපතිවරයා පවසා සිටියේ ඒවා සම්බන්ධයෙන් වත්මන් රජය සොයමින් පවතින බවත් තමන්ගේ රජයට මඩ ගැසීම සඳහා සිදුකළ එම සිදුවීම් පිටුපස සිටියේ කවුද යන්න හෙළිවනු ඇති බවයි.

රනිල් වික්‍රමසිංහම වරක් පාර්ලිමේන්තුවේදී එම සිද්ධීන් වලට සම්බන්ධ පුද්ගලයන් ගැන පැවසු බවත් දැන් ඔවුන් සමඟ එකට සිටින නිසා ඒ පිළිබඳව කතා නොකරන බවටයි මහින්ද රාජපක්ෂ චෝදනා කරන්නේ.

සුළු ජාතීන් අපි ගැන හිතයි

මුස්ලිම් ජනතාවට සහ දෙමළ ජනතාවට සිදුවුයේ කුමක්ද යන්න තේරුම් යන විට එම ජනතාව තමන් සම්බන්ධව වෙනස් විදියකට සිතනු ඇති බවට හිටපු ජනපති මහින්ද රාජපක්ෂ විශ්වාසය පළ කරනවා.

තමන් අවංකවම මුස්ලිම් හා දෙමළ ජනතාවට තම ප්‍රශ්ණ විසඳා ගැනීමට හා එම දරුවන්ගේ ප්‍රශ්ණ විසඳීමට උදව් කළ බවයි පාර්ලිමේන්තු මන්ත්‍රීවරයා අවධාරණය කර සිටියේ.

ශ්‍රිලනිපය හැදුවෙ අපි

පක්ෂය පාලු කරපු අයවලුන් විසින් තමන්ට දැන් පක්ෂ කඩන්න යනවැයි චෝදනා කරන්නේ යැයි මහින්ද රාජපක්ෂ හිටපු ජනපතිවරයා පවසනවා.

බණ්ඩාරනායක පමණක් නොව තමන්ගේ පියා ඩී.ඒ රාජපක්ෂත් පක්ෂ මාරු කරමින් ශ්‍රිලනිපය ගොඬ නැංවු බවයි ඔහු පෙන්වා දෙන්නේ.

එජාපය සමඟ හොර ගිවිසුම් ගසමින් සුලුතරය පැවති රනිල් වික්‍රමසිංහ හට අගමැතිකම ලබා දීමට කටයුතු කළ වත්මන් රජය තමන් රනිල් සමඟ ගිවිසුම් ගසමින් පක්ෂය කඩා දමන්න යන බවට අවළාද නඟන බවටයි හිටපු ජනපතිවරයා වැඩිදුරටත් පවසා සිටියේ.

Facebook Comments

Loading...