රාජපක්ෂවරුන්ට සහ ආණ්ඩුවට ඉවත් වන ලෙසට බලකරමින් රටපුරා විරෝධතා මාලාවක් ඇවිල යද්දි තම ධූරයෙන් කිසිසේත්ම ඉල්ලා අස්නොවන බව අගමැතිවරයා අවධාරණය කර තිබේ.
ආණ්ඩු පක්ෂ මැති ඇමතිවරුන් හා පළාත් සභා මන්ත්‍රී සංසදය අතර 26 අඟහරුවාදා පැවති හමුවකදී අග්‍රාමාත්‍ය මහින්ද රාජපක්ෂ මේ බව සහතික වී ඇත.
අග්‍රාමාත්‍ය මහින්ද රාජපක්ෂ හෝ ආණ්ඩුව ඉල්ලා අස්විය යුතු නැති බවට පළාත් සභා මන්ත්‍රී සංසදය මෙහිදී ඒකමතිකව යෝජනාවක් සම්මත කළේය.
ඊට ප්‍රතිචාර දක්වමින් අග්‍රාමාත්‍යවරයා පවසා ඇත්තේ “නැහැ මම අස්වෙන්නේ නැහැ. බය වෙන්න එපා” යනුවෙනි.
“තමුන්නාන්සේලා එක ඉල්ලීමක් කලා මට අස්වෙන්න එපා කියල. නැහැ මම අස්වෙන්නේ නැහැ. බය වෙන්න එපා.”
පාර්ලිමේන්තුවේ වැඩි දෙනෙක් තමන් විශ්වාස කරන බැවින් ආණ්ඩුක්‍රම ව්‍යවස්ථාවට අනුව තමන් ඉල්ලා අස් නොවී තවදුරටත් තනතුරේ කටයුතු කරගෙන යන බව අගමැතිවරයා වැඩි දුරටත් ප්‍රකාශ කර තිබේ.
Facebook Comments
