ක්‍රිකට් නිලවරණය ලබන වසරට කල් යයි

0
191
wedding people

ශ්‍රී ලංකා ක්‍රිකට් නිලවරණය පැවැත්වීමට 2019 පෙබරවාරි 9 වනදා දක්වා අන්තර්ජාතික කි‍්‍රකට් කවුන්සිලය කල් ලබාදී තිබෙනවා.

මැතිවරණ කටයුතු පැවැත්වෙන කාලසිමාවේදි එම කටයුතු කළමණාකරණය කිරීම සදහා කි‍්‍රකට් ආයතනයේ නිසි බලධාරියෙකු සමග ස්වාධීන සාමාජිකයන් 4 දෙනෙකු පත් කිරීමටයි යෝජනා වී ඇත්තේ.

නිලවරණය පැවැත්වීමට පත් කෙරෙන මැතිවරණ කමිටුව සම්බන්ධයෙන් කී‍්‍රඩා අමාත්‍ය ෆයිසර් මුස්තාෆා හා කි‍්‍රකට් කවුන්සිලයේ සභාපති අතර පැවති සාකච්ඡාවේදී එකගතාවකට පැමිණ තිබෙනවා.

ඒ අනුව මැතිවරණ කමිටුව විශ‍්‍රාමික මහාධිකරණ විනිසුරුවන් දෙදෙනෙක්, මැතිවරණ දෙපාර්තමේන්තුවේ හෝ මැතිවරණ කොමිෂන් සභාවේ ජේ්‍යෂ්ඨ නිලධාරියෙකු සහ මැතිවරණ පැවැත්වීමේ කි‍්‍රයාවලිය පිළිබද දැනුම ඇති නිලධාරියෙකුගෙන් සමන්විත විය යුතුයි.

එම කමිටුව පත් කළ දින සිට මසකට නොඅඩු කාලයක් තුළ නාමයෝජනා කැදවිය යුතු වනවා.

මැතිවරණ කමිටුව ගනු ලබන තීරණ සම්බන්ධයෙන් සෑහීමකට පත් නොවේ නම් අභියාචනා ඉදිරිපත් කිරීම සදහාද කමිටුවක් පත් කිරීමට යෝජනා වී තිබෙනවා. එම කමිටුව ශ්‍රේෂ්ඨාධිකරණයේ විශ‍්‍රාමික විනිශ්චකාරවරුන් 3 දෙනෙකුගෙන් සමන්විත විය යුතු බවටයි එකගතාව පළ වී ඇත්තේ.

Facebook Comments