බීබීසී හිටපු ජ්‍යෙෂ්ඨ නිෂ්පාදක චන්දන කීර්ති බන්ඩාර 2014 දී සේවයෙන් පහ කිරීම අසාධාරණ බව බ්‍රිතාන්‍ය විනිශ්චය සභාවක් විසින් තීරණය කර ඇත.
වසර 20කට ආසන්න කාලයක් ලන්ඩනයේ සිට බීබීසී සංදේශය වැඩ සටහන මෙහෙයවූ ප්‍රමුඛ මාධ්‍යවේදියා වූ ඔහු ගේ වැඩ තහනම් කරන ලද්දේ එහි හිටපු අංශ ප්‍රධානී ප්‍රියත් ලියනගේ සමග හවුලේ සරෝජ් පතිරණ සහ අරවින්ද තිසර රතුවිතාන යන පරිවර්තකයන් ඇතුලු කණ්ඩායමක් නැගූ චෝදනා පදනම් කොටගෙනය.
එම තීන්දුවට විරුද්ධව මාධ්‍යවේදී බන්ඩාර විසින් නීතිමය පියවර ගන්නා ලදී
ඔහුට වන්දි සහ අධිකරණ ගාස්තු ගෙවන ලෙසද මධ්‍යම ලංඩන් කම්කරු විනිසුරු වී ගේ ඇතුලු ත්‍රිපුද්ගල විනිශ්චය සභාවක් විසින් පසුගිය 16 වැනි සිකුරාදා බීබීසී පාලනාධිකාරියට නියෝග කරන ලදී.
තමන් පිළිබඳ විශ්වාසය තබා මේ සමස්ත ක්‍රියාදාමය ඔස්සේ සහාය දුන් සියල්ලන්ටම ස්තුතිය පල කරන බව චන්දන කීර්ති බන්ඩාර පැවසූ බව බ්‍රිතාන්‍ය ජනමාධ්‍ය විසින් පල කොට තිබුනි.
බීබීසී ප්‍රකාශකයකු කියා තිබුනේ අස් කිරීම අසාධාරණ බවට දෙන ලද තීන්දුව ගැන අසතුටට පත්ව සිටින බවයි.
ශ්‍රී ලංකාවේ මාධ්‍යවේදීන් සිය ගණනක් ඉල්ලුම් කළ තරග විභාගයකින් පළමු වැනියා ලෙස තේරී පත්වී බන්ඩාර 1995 දී බීබීසී සංදේශයේ සේවයට යනවිට හරය පුවත්පතේ විශේෂාංග කර්තෘ ධුරය දරමින් සිටියේය.
Facebook Comments
