දේශපාලන වශයෙන් බංකොලොත් වී ඇති ශ්‍රී ලංකා පොදු ජන පෙරමුණ හෙවත් පොහොට්ටු කණ්ඩායම නාවත බලය ලබා ගැනීමට වැඳ වැටෙමින් ශ්‍රී ලංකා නිදහස් පක්ෂය පසුපස යන බවට එක්සත් ජාතික පක්ෂ මන්ත්‍රීවරයෙකු පෙන්වා දී තිබේ.
ශ්‍රී ලංකා නිදහස් පක්ෂයට හිනා වුනා පොහොට්ටුව, හිනා වෙලා අතිගරු ජනාධිපතිතුමා ප්‍රමුඛ කණ්ඩායම මේ රටේ වැඩකට ගන්න බැරි පිරිසක් බවට පත් කළා. අද මොකද වෙලා තියෙන්නේ. බැසිල් රාජපක්ෂ මහත්තයයි අනිත් කන්ඩායමයි නිකං අඩනවා හිඟා කනවා වගේ කතා කරනවා අනේ ශ්‍රී ලංකා නිදහස් පක්ෂය නැතුව අපිට යන්න බැහැයි කියලා. යැයි හෙක්ටර් අප්පුහාමී මන්ත්‍රීවරයා කියා සිටියේය.
කෙසේ වෙතත් ශ්‍රීලනිප මන්ත්‍රීවරුන් හට රාජපක්ෂවරුන් පිළිබඳව අවබෝධයක් ඇති බව ද හෙක්ටර් මන්ත්‍රීවරයා 14 බ්‍රහස්පතින්දා සිරිකොත පැවති මාද්‍ය හමුවක දී අවධාරණය කළේය.
“ශ්‍රී ලංකා නිදහස් පක්ෂයේ අය අපිත් එක්ක කියනවා මේ වැඳ වැටෙන රාජපක්ෂලා වැඳ වැෙටන්න බලය නැතුව ගියාම. හැබැයි බලය ගත්තට පස්සේ මුංගෙ කෙරුවාව අපි දැන්නවා.” යැයි ඔවුන් පැවසු බව මන්ත්‍රීවරයා පැවසීය.
රටට ආදරය කරන කිසිඳු ශ්‍රීලනිප මන්ත්‍රීවරයෙකු නැවත රාජපක්ෂවරුන්ට රැවටෙනු නැතැයි මන්ත්‍රීවරයා විශ්වාසය පළ කළේය.
පවුල් වාදයට රට තුල ඉඩ නොතබන බවත් ඕනෑම කෙනෙකුට බලයට හවුල් විය හැකි දේශපාලන සංස්කෘතියක් ගොඩනඟන බව ද හෙක්ටර් අප්පුහාමී මන්ත්‍රීවරයා වැඩි දුරටත් අවධාරණය කරන ලදී.
Facebook Comments
