විධායක ජනාධිපති ධුරය අහෝසි කිරිම සඳහා වූ 20 වන ආණ්ඩුක්‍රම ව්‍යවස්තා සංශෝධන කෙටුම්පත පෞද්ගලික මන්ත්රී යෝජනාවක් ලෙස පාර්ලිමේන්තුවට ඉදිරිපත් කරන බව ජනතා විමුක්ති පෙරමුණ පවසයි.
විධායක ජනාධිපති ධුරය අහෝසි කරන බවට ප්‍රතිඥා ලබා දී බලයට පැමිණි එජාපයටත් මෛත‍්‍රීපාල සිරිසේන ජනාධිපතිවරයාටත් එය අහෝසි කිරීමට සංශෝධනයක් ගෙන ඒමට වුවමනාවක් නැති බවට චෝදනා කරන අතර ජනාධිපති ධුරය අහෝසි කිරීමේ 20 වැනි සංශෝධනය පෞද්ගලික මන්ත්රී යෝජනාවක් ලෙස ලබන 19 වනදා ඉදිරිපත් කිරීමට සූදානම් බවයි එම පක්ෂයේ නායක අනුර දිසානායක සඳහන් කරන්නේ.
මේ වනවිට එහි කටයුතු සැලකිය යුතු ප්‍රමාණයකින් අවසන් කර ඇති බවත් එම කෙටුම්පත සැකසීමේදී සංශෝධනය ගෙන එන කාල රාමුව, ඇතුළත් වන කරුණු සම්බන්ධයෙන් සහ සම්මත කරගැනීමේ ක‍්‍රියාවලිය සම්බන්ධයෙන් අවධානය යොමු කර ඇති බව පාර්ලිමේන්තු මන්ත්රී අනුර කුමාර දිසානායක පසුගිය දා පැවති මාධ්‍ය හමුවක දී කියා සිටියේය.
සමානුපාතික ඡන්ද ක්‍රමය යටතේ පවත්වන පාර්ලිමේන්තු මැතිවරණයකින් බිහි වන්නේ දුර්වල ආණ්ඩුවක් බවත් එම දුර්වල ආණ්ඩුව ආරක්ෂා කරන්නේ විධායක ජනාධිපතිවරයා බවට මතයක් තිබෙන බැවින් විධායක ජනාධිපත් ධුරය අහෝසි කරන සංශෝධනයකට මැතිවරණ ක‍්‍රමයේ සශෝධනයක් එක් විය යුතු බවට කවුරුන් හෝ යෝජනා කරන්නේ නම් එම සංශෝධන දෙකම ඇතුල් කිරීමට වුවද සූදානම් බවයි ජනතා විමුක්ති පෙරමුණ වැඩි දුරටත් පවසන්නේ.
Facebook Comments
