දේශපාලන සිරකරුවන් වෙනුවෙන් උතුරේ හර්තාල්, දකුණේ විරෝධතාවයක් (VIDEO)

0
461
Ivory Agency Sri Lanka
wedding people
Loading...

සියලු දෙමළ දේශපාලන සිරකරුවන් කොන්දේසි විරහිතව නිදහස් කරන ලෙස බල කර උතුරේ හර්තාල් සිදු කරද්දි එයට සහාය පල කර දකුණේ විරෝධතාවයක් පවත්වා තිබේ.

දේශපාලන පක්ෂ, බහුජන ව්‍යාපාර හා සිවිල් සංවිධාන එක්ව දියත් කළ හර්තාලයට පූර්ණ ජනතා සහාය පලවීමෙන් නගරය පාලුවට ගොස් තිබූ අයුරු දැකගන්නට හැකිවූ අතර රාජ්‍ය ආයතන සේවයන් ද සිය දායකත්වය ලබා දුන් බව මෙන්ම පාසල් ළමුන්ගේ පැමිණිමේ අඩුවක් දක්නට තිබු බව සිලෝන් ජර්නල්ස් වාර්තාකරුවෝ කියා සිටියේය.

“ත්‍රස්තවාදය වැලැක්වීමේ පනත අහෝසි කරනු” යන්න ප්‍රධාන සටන් පාඨය කරගත් හර්තාලය පැවතුණේ දිවයිනට පැමිණ සිටින යුද අපරාධ පිළිබඳ එක්සත් ජාතීන්ගේ විශේෂඥයකු යාපනයේ සංචාරය කල දිනයේය.

යාපනය නගරය පුරා සන්නද්ධ පොලිස් විශේෂ කාර්ය සාධක බලකාය පෙරටු කොටගත් භටයන් ‍දැඩි ලෙස යොදවා තිබූ බව සිලෝන් ජර්නල්ස් වාර්තාකරුවන් පවසයි.

හර්තාලයට සමගාමීව යාපනයේ සහ කිලිනොච්චියේ දී විරෝධතාව පැවැත්වෙද්දී ව්විනියාවේ එක් දින උපවාසයක් ක්‍රියාත්මක විය.

දකුණේ සහාය

මේ අතර උතුරේ හර්තාලයට සහාය පල කරමින් දේශපාලන සිරකරුවන් නිදහස් කරන බල කර කොළඔ විරෝධතාවයක් පැවතුනි.

වව්නියාවේ පැවති නඩුව අනුරාධපුරය අධිකරණයට මාරු කිරීමට එරෙහිව උපාවසයක් ආරම්භ කර ඇති දේශපාලන සිරකරුවන්ට සාධාරණය ඉටු කරන ලෙස මෙහිදී බල කෙරුණි.

නඩු නොමැති දේශපාලන සිරකරුවන් කොන්දිසි විරහිතව වහා නිදහස් කල යුතු බව රජයේ ප්‍රබල ඇමැතිවරයෙකු වන සම කැබිනට් ප්‍රකාශක අමාත්‍ය රාජිත සේනාරත්න 11 බදාදා පැවති කැබිනට් තීරණ දැනුම් දිමේ මාධ්‍ය හමුවේදී කියා තිබුණි.

 

Facebook Comments

Loading...