හදිස්සි මහ මැතිවරණයක් පිළිබඳව අගමැතිවරයා විසින් ඉඟි පළ කර තිබේ.
කතානායකවරයා, පක්ෂ නායකයින් හා ආණ්ඩු පක්ෂ මන්ත්‍රීවරුන් සමඟ සාකච්ඡා කර ඒ පිළිබඳ තීන්දුවක් ගන්නා බව අගමැති රනිල් වික්‍රමසිංහ නිකුත් කළ නිවේදනයක දැක්වේ.
“ප්‍රජාතන්ත්‍රවාදය අගයන අප මීළඟට පැවැත්වෙන පාර්ලිමේන්තු මැතිවරණය පිළිබඳව කථානායකතුමන් සහ පක්ෂ නායකයින් සමග ද ආණ්ඩු පක්ෂයේ පාර්ලිමේන්තු මන්ත්‍රිවරුන් සමග සාකච්ජා කොට තීරණය කිරීමට බලාපොරොත්තු වන්නෙමු” යි අගමැතිවරයා කියා සිටී.
නව ජනාධිපතිවරයා දිවුරුම් දීමෙන් පසුව 19 වන ව්‍යවස්ථා සංශෝධනයෙන් ඇති කර තිබෙන අලුත් තත්ත්වය ගැන සමාලෝචනය කර පවතින නීතිමය රාමුව තුළ ඉදිරි කටයුතු කරගෙන යාමට බලාපොරොත්තු වන බව සිය ජයග්‍රහණයෙන් පසුව විපක්ෂ නායක මහින්ද රාජපක්ෂ නිවේදනයක් නිකුත් කරමින් පවසා ඇත.
මේ අතර ආණ්ඩුව ලෙස ගත යුතු ඉදිරි පියවර සම්බන්ධයෙන් ආණ්ඩු පක්ෂයේ සියලුම මන්ත්‍රීවරුන් 18 සඳුදා රැස්වී තීන්දුවක් ගැනීමට නියමිත බව වාර්තා වේ.
Facebook Comments
