ශ්‍රී ලංකාවේ ගැහැණු ළමයින්, ස්ත්‍රීන් සහ සංක්‍රාන්ති පුද්ගලයන්ට එරෙහි තාක්ෂණය හා සම්බන්ධ ප්‍රචණ්ඩතා ලේඛනගත කිරීමේ ව්‍යාපෘතියක් එවරස්ට් කඳු මුදුන තරණය කළ පළමු ලාංකික කාන්තාවගේ දායකත්වයෙන් ආරම්භ කර තිබේ.
කිසිවක් Delete කරන්න එපා යනුවෙන් නම් කර ඇති එය ත්‍රීභාෂා වෙබ් පදනම් කරගත් සමීක්ෂණ මෙවලමකි.
තාක්ෂණය හා සම්බන්ධ ප්‍රචණ්ඩත්වය කෙබඳු විය හැකිද යන්න සම්පත් සමඟ ඇති මෙවලම්වල විස්තර, එවැනි ප්‍රචණ්ඩත්වයන් සමඟ කටයුතු කළ හැකි ක්‍රම සහ උපකාර අවකාශ සමඟ සම්බන්ධ විය හැකි ස්ථාන වෙබ් අඩවියක තැන්පත් කෙරේ.
කිසිවක් Delete කරන්න එපා මගින් වැඩිදුර ක්‍රියාමාර්ග ගැනීම සඳහා ප්‍රචණ්ඩ සිදුවීම් පිළිබඳ වාර්තා පවත්වා ගැනීමේ වැදගත්කම සඳහන් කර ඇත.
CREA ආයතනයේ සහාය ඇතිව මෙම ව්‍යාපෘතිය සිදු කරනු ලබන්නේ ස්ත්‍රීවාදී ක්‍රියාකාරිනියන් වන ජයන්ති කුරුඋතුම්පාල, සචිනි පෙරේරා සහ ස්ත්‍රීවාදී ක්‍රියාරිනියක් සහ පර්යේෂිකාවක් ද වන සෙයිනබ් ඉබ්රාහිම් සහ විසිනි.
‘Delete Nothing’ විසින් බලාපොරොත්තු වන්නේ කුමක්ද?
ඔබ මුහුණදුන් අත්දැකීම් යොදා ගෙන තාක්ෂණික ප්‍රචණ්ඩත්වයේ ප්‍රවණතා හා රටාවන් හඳුනා ගැනීම සිය බලාපොරොත්තුව බව ව්‍යාපෘතියේ බලධාරීහු පවසති.
එමගින් රජය හා සමාජ මාධ්‍ය මගින් වඩාත් ශක්තිමත් සමාජ හා නෛතික විසදුම් ලබා ගැනීම සදහා සාක්ෂි එකතු කිරීම ද ඔවුන්ගේ අරමුණකි.
ඔබේ තොරතුරු යන්නේ කොතැනටද?
මෙම සමීක්ෂණය නිර්නාමික බව ව්‍යාපෘතියේ බලධාරීන් පවසයි. . එකතු කරන ලද දත්ත ආරක්ෂිත දත්ත ගබඩාවක ගබඩා කර ඇති අතර තිරපිටපත් ගබඩා වන්නේ මාස 12 ක කාලයක් සඳහා පමණි. ඉහත අරමුණු සඳහා සමාජ විද්‍යා පර්යේෂකයෙකු විසින් ‘Delete Nothing’ කණ්ඩායම සමඟ එක්ව තොරතුරු විශ්ලේෂණය කරනු ලැබේ.
වගකිවයුතු දත්ත ප්‍රතිපත්තිය
දත්ත එක්රැස් කිරීම, විශ්ලේෂණය කිරීම සහ ප්‍රකාශයට පත් කිරීම වගකිවයුතු හා සදාචාරාත්මක ආකාරයකින් සිදු කිරීම සහතික කිරීම සඳහා The Engine Room මගින් ඉදිරිපත් කරන “ඩැට්නව්: මානව හිමිකම් පර්යේෂණ සඳහා ඩිජිටල් දත්ත සැරිසරන්නේ කෙසේද” (DatNav: How to navigate digital data for human rights research) යන මාර්ගෝපදේශ භාවිතා කරනු ලබන බව කිසිවක් Delete කරන්න එපා ව්‍යාපෘතියේ බලධාරීන් වැඩි දුරටත් පවසයි.
මෙම යොමුව ඔස්සේ ඔබට වැඩි විස්තර දැන ගැනීමට හැකිය.
Facebook Comments
