කාල් මාක්ස් 200 වැනි උපන් දින අනුස්මරණයක් කරමින් සමරුවක් පැවැත්වීඹට කටයුතු යොදා ඇති බව යහපාලන ක්‍රියාකාරී කමිටුව නිවේදනය කරයි.
සමරුව මැයි 24 වන බ්‍රහස්පතින්දා පස්වරු 4.00 ට අංක 58, ධර්මාරාම පාර,වැල්ලවත්ත පිහිටි කාන්තා අධ්‍යාපන හා පර්යේෂණ මධ්‍යස්ථානයේ ශාලාවේදී පැවැත්වීමට නියමිතව ඇත.
එහි මුලසුන හොබවනු ලබන්නේ නව සම සමාජ පක්ෂයේ දේශපාලන මණ්ඩල සභික වී. තිරුනාවුකරසු ය.
“වත්මන් සාම ක්‍රියාවලිය” යන තේමාව යටතේ එහිදී ප්‍රවීන ලේඛක ගාමිනි වියන්ගොඩ විසින් දේශනයක් සිදු කිරීමට නියමිතය.
“මාක්ස්වාදය සහ ලාංකේය දේශපාලනය” යන තේමාව යටතේ දේශනය පවත්වනු ලබන්නේ නව සම සමාජ පක්ෂයේ ප්‍රධාන ලේකම් ආචාර්ය වික්‍රමබාහු කරුණාරත්න විසිනි.
එමෙන්ම “මාක්ස්වාදය සහ ජාතික අයිතීන්” යන තේමාව යටතේ දේශපාලන පර්යේෂක ටී. මදුසුදනන් විසින් දෙසුමක් පැවැත්වීමට නියමිත බව සංවිධායකයෝ පවසති.
Facebook Comments
