ජාතිවාදය සහ ආගම්වාදයෙන් රටක් සංවර්ධනය කළ නොහැකි බව සෞඛ්‍ය, පෝෂණ හා දේශිය වෛද්‍ය අමාත්‍යවරයා පවසයි.
මොරටුව ප්‍රාදේශිය රෝහලේ ඉදිකිරිමට නියමිත මහල් 05 කින් යුත් වාට්ටු සංකීර්ණය සදහා මුල්ගල් තැබීමේ අවස්ථාවට එක්වෙමින් රාජිත සේනාරත්න අමාත්‍යවරයා මේ බව කියා සිටියේය.
“රට වෙනස් කිරීම සදහා තිබෙන ප්‍රතිපත්ති වෙනස් කළ යුතුයි. ජාතිවාදය, ආගම්වාදය, කුලවාදය මගින් රට පාලනය කිරීම නුසුදුසුයි. සහෝදරත්වයෙන් රට ගොඩනැංවිය යුතුයි” යැයි අමාත්‍යවරයා සඳහන් කළේය.
මහතීර් මොහොමඩ් විසින් මැලේසියාවද දියුණු රටක් බවට පත් කරනු ලැබුවේ ජාතිවාදය ඉවත් කිරිමෙන් පසුව බව රාජිත සේනාරත්න ඇමැතිවරයා පෙන්වා දුනි.
හොරු නැති ආණ්ඩුවක් ලෝකයේ නොමැති බව පැවසු සෞඛ්‍ය, පෝෂණ හා දේශිය වෛද්‍ය අමාත්‍ය රාජිත සේනාරත්න වරදකරුවන් නීතිය ඉදිරියට ගෙන ආ යුතු බව වැඩි දුරටත් කියා සිටියේය.
Facebook Comments
