මානූෂීය අයිතියක් වන ඉඩමක අයිතිය ලබාදීමේදී කිසිඳු අවස්ථාවක පක්ෂග‍්‍රාහීව කටයුතු නොකරන ලෙස ජනාධිපතිතුමා සියලු දේශපාලනඥයන්ගෙන් ඉල්ලා තිබේ.
ජනාධිපති මෛත්‍රීපාල සිරිසේන එම ඉල්ලීම සිදු කර ඇත්තේ හම්බන්තොට දිස්ත්‍රික්කයේ ජනතාවගේ ඉඩම් අයිතිය තහවුරු කරමින් ,රන්බිමක උරුමය, ඉඩම් ඔප්පු සහ දීමනා පත‍්‍ර ප‍්‍රදානය කිරීම වෙනුවෙන් 16 බ්‍රහස්පතින්දා හම්බන්තොට නව සම්මන්ත‍්‍රණ ශාලාවේ පැවති උත්සවය අමතමිනි.
ශ්‍රී ලංකාවේ වගා නොකරන සියලු ඉඩම් නැවත වගා කරමින් නිෂ්පාදන ක්‍රියාවලිය සඳහා යොදා ගැනීමට වඩා ඉලක්ක සහගත සහ කාර්යක්ෂම වැඩපිළිවෙළක් ක්‍රියාවට නංවන බව ද ජනාධිපති මෛත්‍රීපාල සිරිසේන එහිදී සදහන් කර ඇත.
කෘෂිකාර්මික රටක් ලෙස අපේ රටේ තිබෙන ඉඩම් ප‍්‍රමාණය නිෂ්පාදන ක්‍රියාවලිය සඳහා නිවැරදිව භාවිතා කිරිම අත්‍යවශ්‍ය බව එහිදී පෙන්වා දී ඇති ජනාධිපතිතුමා රටේ දුගී භාවය තුරන් කිරීමේදී ද එය ඉතා වැදගත් සාධකයක් බවද කියා තිබේ.
එකිනෙකාගේ පෞද්ගලික දේශපාලන න්‍යාය පත‍්‍ර අනුව නොව රටටම පොදු සංවර්ධන කි‍්‍රයාවලියක් ඔස්සේ අද රටේ සංවර්ධන වැඩපිළිවෙළ ඉදිරියට ගෙන යන බව පවසා ඇති ජනාධිපතිතුමා කුමන බාධාවන් සහ අභියෝග එල්ලවුවද එම වැඩපිළිවෙළ ඉදිරියටම ක්‍රියාත්මක කරන බව ද සඳහන් කර ඇත.
Facebook Comments
