රටේ උද්ගතව ඇති ඉන්ධන හිඟවීම ඇතුළු කරුණු කිහිපයක් සැලකිල්ලට ගනිමින් සති දෙකක කාලයක් සඳහා රජයේ කාර්යාල සහ පාසල් මාර්ග ගත ක්‍රමයට පැවැත්වීම සම්බන්ධයෙන් රජයේ අවධානය යොමු වී ඇති බව වාර්තා වේ.
දෛනික ඉන්ධන භාවිතය අවම කිරීමට රජයේ අවධානය වැඩි වශයෙන් යොමු වී ඇති අතර මේ සම්බන්ධයෙන් වන රජයේ ඉහළ පෙලේ විශේෂ සාකච්ජාවක් අද පැවැත්වීමට නියමිතව බව ආරංචි මාර්ග පවසයි.
ඉන්ධන සහ ගෑස් ලබා ගැනීමට රටේ සෑම ප්‍රදේශයකම පාහේ දිගු පෝලිම් ඇතිවී ඇති අතර ජනතාවගේ විරෝධතා වලද වැඩි වීමක් දක්නට ලැබේ.
පවතින ඉන්ධන හිගය මත ඊට විසඳුමක් ලෙස මේ වන විටත් සිකුරාදා දිනයේ රජයේ කාර්යාල සහ පාසල් සදහා රජය නිවාඩු ලබා දී ඇත.
මේ අතර සිකුරාදා දිනයේදී පුද්ගලික බස් ධාවනය සිදුවන්නේ සීයයට 20ක් පමණක් බව ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න පවසනවා.
දෛනික බස් රථ 13,000ක් ධාවනය කෙරුණද පවතින ඉන්ධන හිඟය නිසා එය බස් රථ 4,000ක් දක්වා අඩුවී ඇති බව ඔහු සඳහන් කළේය.
Facebook Comments
