ශ්‍රී ලංකාව බිම්බෝම්බ තහනම් කිරිමේ ප්‍රඥප්තියට අත්සන් තැබීම මගින් ශ්‍රී ලංකාවට නුදුරු අනාගතයේදි ආර්ථික, සමාජ, ආරක්ෂණ සහ දේශපාලන වශයෙන් විශාල ප්‍රගතියක් අත්කර ගැනිමට හැකි වනු ඇති බවට ශ්‍රී ලංකා බිම්බෝම්බ තහනම් කිරිමේ ව්‍යාපාරය පවසයි.
පුද්ගල නාශක බිම්බෝම්බ නිෂ්කාෂණ ක්‍රියාවලිය අනෙකුත් රටවලට වඩා ඉදිරියෙන් සිටින බැවින් ඉතාමත් කෙටි කාලයක් තුළ දි ශ්‍රී ලංකාව පුද්ගල නාශක බිම්බෝම්බ වලින් තොර රටක් ලෙස ප්‍රකාශයට පත් කිරිමට හැකිවනු ඇති බවට එම සංවිධානය විශ්වාසය පල කරයි.
ශ්‍රී ලංකාව 2017 දෙසැම්බර් 13 වන දින පුද්ගලනාශක බිම්බෝම්බ තහනම් කිරිමේ ජාත්‍යන්තර ප්‍රඥප්තියට අත්සන් තැබිම නිසා උතුරු නැගෙනහිර බිම්බෝම්බ තර්ජනයට ලක්ව ඇති ප්‍රදේශයන්හි එම නිෂ්කාශන කටයුතු වේගවත් කර ගැනිමට හැකි බව ශ්‍රී ලංකා බිම්බෝම්බ තහනම් කිරිමේ ව්‍යාපාරයේ සම්බන්ධිකාරක විද්‍යා අභයගුණවර්ධන 11 බුහස්පතින්දා කොළඔ පැවති මාධ්‍ය හමුවකදී කියා සිටියේය.
යුද්ධය පැවැති උතුරු නැගෙනහිර ප්‍රදේශවල බිම්බෝම්බ ඉවත් කිරිමේ කටයුතු යුධ හමුදාව සහ තවත් සංවිධාන කිහිපයක් මගින් සාර්ථකව සිදුකරගෙන යන අතර එම නිසා 2017 වසරේ බිම්බෝම්බ වලට හසුවිමෙන් තුවාල ලබා ඇත්තේ දෙදෙනකු පමණක් බව ද වැඩි දුරටත් සඳහන් කළේය.
Facebook Comments
