රාජපක්ෂ පක්ෂ පාලනයේ අදුරදර්ශි ක්‍රියාවන් නිසාවෙන් ජාත්‍යන්තරය හමුවේ හෑල්ලුවට පත්ව තිබු ශ්‍රී ලංකාවට විදෙස් රටවල් සමඟ යළි සුහද සම්බන්ධතාවයක් ඇති කර ගැනීමට මහත් සේ කැප වු මංගල සමරවීර ඇමැතිවරයා ගම සංවර්ධනය කිරිමේ වැඩ සටහනක් ආරම්භ කර තිබේ.
රුපියල් බිලියන 30කට අධික ප්‍රතිපාදන සමඟ ග්‍රාමීය ප්‍රදේශ වල කඩිනම් සංවර්ධනයක් සිදුකිරීම සඳහා ගම් පෙරළිය නමින් එම සංවර්ධන ව්‍යපෘතිය දියත් කරන බව 10 බ්‍රහස්පතින්දා පැවති මාධ්‍ය හමුවක දී මුදල් හා ජනාමාධ්‍ය අමාත්‍යවරයා කියා සිටියේය.
ගම්පෙරළිය ව්‍යාපෘතිය එළඹෙන අගෝස්තු මාසයේ ස්ථිර වශයෙන්ම ආරම්භ කරන බවද එහිදී පැවසීය.
සියලු ආගම් වලට මුල් තැන
මෙම ව්‍යපෘතිය යටතේ සෑම ගමකම මාර්ග පද්ධතිය ඇතුළු අතිශය වැදගත් යටිතල පහසුකම් සංවර්ධනය කිරීම, සෑම ගමකම හරිත උද්‍යානයක් සකස් කිරීම, ආගමික සිද්ධස්ථාන සංවර්ධනය, කුඩා වැව් ප්‍රතිසංස්කරණය, සෑම ගමක් සඳහාම පුස්තකාලයක් ලබාදීම ඇතුළු සංවර්ධන කටයුතු රැසක් සිදු කරන බවයි ඇමැතිවරයා පෙන්වා දෙන්නේ.
ග්‍රාමීය මාර්ග පද්ධතිය සංවර්ධනය කිරීම සඳහා මීට පෙර රජයන් වෙන් නොකළ තරම් විශාල ප්‍රතිපාදනයක් වෙන් කර එම අබලන් මාර්ග පද්ධති කඩිනම් සංවර්ධනයක කරන බව ද අමාත්‍ය මංගල සමරවීර මෙහිදී අවධාරණය කළේය.
ගමේ ජනතාවට ආගමික සේවා සපයන සිද්ධස්ථාන රැසක් ඉතා දුෂ්කර තත්ත්වයේ පවත්වාගෙන යාම සැළකිල්ලට ගෙන එම සංවර්ධනය නොවූ සියලු ආගමික සිද්ධස්ථාන මුළුමනින්ම සංවර්ධනය කිරීමටද බලාපොරොත්තු වන බව පවසන අමාත්‍යවරයා බෞද්ධ සිද්ධස්ථාන පමණක් නොව පල්ලි සහ කෝවිල් ද ඒ යටතේ සංවර්ධනය කරන බවට ප්‍රකාශ කළේය.
දැනුම් පිපාසයට
ග්‍රාමීය ජනතාවගේ ජල අවශ්‍යතා සපුරණ කුඩා වැව් 20000ක් පමණ ඇති බැවින් එම සියලු වැව් ගම් පෙරළිය වැඩ සටහන යටතේ නවීකරණය කරන බව පවසන අමාත්‍ය මංගල සමරවීර මනස සංවර්ධනය කරගැනීම වෙනුවෙන් සෑම ගමකටම පුස්තකාලයක් ඉදි කරන බව ද වැඩි දුරටත් කියා සිටියේය.
Facebook Comments
