ශවේන්ද්‍ර සිල්වාට යුද අපරාධ චෝදනා නැගෙන වර්තාවක් එළි දකී

0

ජනාධිපතිවරයා විසින් යුද හමුදාපතිවරයාට පමණක් දෙවෙනි වන යුද හමුදා මාණ්ඩලික ප්‍රධානී ධුරයට පත් කරන ලද හමුදා සෙන්පතියාට එරෙහිව යුද අපරාධ චෝදනා ඇතුලත් වාර්තාවක් එළි දක්වා ඇති ජාත්‍යන්තර මානව හිමිකම් සංවිධානයක් ඔහුගේ වැඩ තහනම් කරන ලෙස ආණ්ඩුවට බල කර සිටී.

මේජර් ජෙනරාල් ශවේන්ද්‍ර සිල්වාට මහත් සේ වරද පවරන චෝදනා රැගත් පිටු 137 ක වාර්තාවක් නිකුත් කරන යැස්මින් සූකා ගේ ප්‍රධානත්වයෙන් යුත් ශ්‍රී ලංකාවේ සත්‍යය හා යුක්තිය සඳහා වන ජාත්‍යන්තර ව්‍යාපෘතිය (ITJP) ඔහුට විරුද්ධව පියවර ගන්නා ලෙස එක්සත් ජාතීන් ප්‍රමුඛ ජාත්‍යන්තර බලවතුන්ගෙන්ද ඉල්ලයි.

සිය අලුත්ම වාර්තාව යුද සමයේ කවර හෝ සෙන්පතියකුට එරෙහිව මේතාක් සම්පාදනය කරන ලද වඩාත් සවිස්තරාත්මක සාක්ෂි සම්පිණ්ඩනය බව පවසන ITJP, ශ්‍රී ලංකා රජයේ ආරක්ෂක අංශ වල සේවය කළ පුද්ගලයන් විසින්ද සපයන ලද ඡායාරූප, අදාළ සමයේ කෙටි ජංගම පණිවිඩ සහ සාක්ෂි වාචක මෙන්ම, සත්‍යය වසන් කිරීමේ අරමුණින් යුතුව පසු කලෙක අන්තර්ජාලයෙන් ඉවත් කරගන්නා ලද නිල හමුදා නිවේදන සහ එක්සත් ජාතීන්ගේ විමර්ශන වාර්තා වලින් සොයාගන්නා ලද කරුණු ද එහි ඇතුලත් බව කියා සිටී.

ශ්‍රී ලංකා යුද හමුදාවේ දෙවැනියා සම්බන්ධයෙන් තමන් විසින් ගොනු කර ඇති විස්තර වලට වඩා අඩු තොරතුරු ප්‍රමාණයක් මත පදනම් වී ජාත්‍යන්තර විනිශ්චය සභා ජාත්‍යන්තර අපරාධ අධිකරණය විසින් නඩු නිම කර ඇති බව ITJP අවධාරණය කරයි.

“ශවේන්ද්‍ර සිල්වා දණ්ඩ මුක්තිය භුක්ති විඳින තාක් කල්, නීතියේ ආධිපත්‍යය සහ වගවීම අත් කරගෙන ඇති ප්‍රගතිය ගැන කතා කිරීමේ හැකියාවක් ජාත්‍යන්තර ප්‍රජාවට නැත,” යනුවෙන් ITJP විධායක අධ්‍යක්ෂිකා යැස්මින් සූකා පැවසුවාය.

ශවේන්ද්‍ර සිල්වාගේ අණ යටතේ පැවති 58 වැනි සේනාංකය 2008-9 වකවානුවේ ශ්‍රී ලංකාවේ උතුරේ ගම් හා නගර ගණනාවකට එල්ල කළ ප්‍රහාර පිලිබඳ විස්තර ඇගේ මෙහෙයවීමෙන් සම්පාදනය කරන ලද තොරතුරු ගොනුවේ දැක්වෙයි.

සුදුකොඩි

කුප්‍රකට සුදුකොඩි භාරවීමේ සඳහන් එල්ටීටීඊ දේශපාලන නායකයන් වන සීවරත්නම් පුලිදේවන් සහ බාලසිංහම් නඩේසන් දෙදෙනා යුද්ධය අවසානයේ දී 58 සේනාංකයට යටත් වීමේදී මේජර් ජෙනරාල් ශවේන්ද්‍ර සිල්වා ට පුද්ගලිකවම අතට අත දුන් බව සිද්ධිය සියැසින් දුටු අයකු තහවුරු කර ඇතැයි ද ITJP පවසයි.

“මදක් කල් ගතවූ පසු ඔවුන්ගේ මළ සිරුරු වට්ටුවාක්කල් පාලමේ අනික් පැත්තේ මහමග තිබී දැක ගන්නට ලැබුනි. භාරවුවන් අතුරුදහන් කරවීමටත්, ඇතැමකු නඩු නොඅසා ඝාතනය කිරීමටත්, තම වගකීම යටතේ වූ භට පිරිස් වගකිව යුතුයැයි මේජර් ජෙනරාල් සිල්වා දැන සිටි බව හෝ ඒ පිළිබඳව ලැබුනු තොරතුරු දැනුවත්ව නොතකා හල බව හෝ විශ්වාස කළ හැකි සාධාරණ හේතු කාරණා පවතී.”

යැස්මින් සූකා යනු ශ්‍රී ලංකාවේ අවසන් යුද්ධයේ ක්‍රියා කලාපය විමසා බැලීම සඳහා එක්සත් ජාතීන්ගේ මහලේකම් වරයා විසින් 2010 දී පත් කරන ලද ජාත්‍යන්තර නීති විශාරදයන් තිදෙනා අතරින් එක් තැනැත්තියකි.

Facebook Comments

wedding people