මත්ද්‍රව්‍ය ජාවාරකම්කරුවන් හා එ්වා භාවිතා කරන්නන් මරා දැමීම ජනාධිපතිවරයා විසින් ශ්‍රී ලංකාවේ ආරක්ෂක අංශ වෙත පවරා දී තිබේ.
දේශීය හා ජාත්‍යන්තර විරෝධය නොතකා මරණ දඬුවම ක්‍රියාත්මක කිරීමේ සිය අභිලාශය දිගටම පෙන්නුම් කරන ජනාධිපති මෛත්‍රිපාල සිරිසේන විසින් මෙම බියජනක හෙළිදරව්ව කරන ලද්දේ “මතින් නිදහස් රටක්” මත්ද්‍රව්‍ය නිවාරණ ජාතික වැඩසටහනේ මාතර දිස්ත්‍රික් සමුළුව අමතමිනි.
මෑතදීතමන් පිලිපීන සංචාරයෙන් උගත් පරිදි විෂ මත්ද්‍රව්‍ය පාවිච්චි කරන අය පවා ඉවර කරදමන බව කී ජනාධිපතිවරයා “මමත් මරණ දඬුවම ළඟදීම දෙනවා” යි පාසල් දරු දැරියන් ද හමුවේ ප්‍රකාශයට පත් කළේ පොලිස්පති සහ හමුදා නිලධාරීන්ද ඇතුළු වැඩිහිටියන්ගේ අත්පොලසන් නාදය මධ්‍යයේය.
“පිලිපීනයේ විෂ මත්ද්‍රව්‍ය පාවිච්චි කරන අලෙවි කරන අයට මරණ දඬුවම දෙන්නේ විදුලි පුටුවේ. ඉන්දියාවේ මරණ දඬුවම දෙනවා, ඇමරිකාවේ මරණ දඬුවම දෙනවා, මමත් මරණ දඬුවම ළඟදීම දෙනවා.”
“මෙහි තිබෙන බැරෑරුම් තත්වය, මේ තිබෙන මහා ජාතිකව්‍යසනය, මේ මහා ජාතික ඛේදවාචකය මර්දනය කරන්න අවසන් කරන්න එල්ටීටීඊ ත්‍රස්තවාදීන්විනාශ කළේ කොහොමද මේ රටේ යුද, නාවික, ගුවන්, ත‍්‍රිවිධ හමුදාව, පොලීසිය සිවිල් ආරක්ෂක බලකාය එසේම මම ඒ අයට පවරනවා මේ වගකීම,පවරලා දීලාඉවරයි, එල්ටීටීඊ ත්‍රස්තවාදීන් විනාශ කළ සේමමත් ද්‍රව්‍ය ජාවාරම් කරුවන් විනාශ කළ යුතුයි කියන කාරණාව.”
පිලිපීන පොලිසිය විසින් 2016 සිට නඩු නැතිව මත්දුව්‍ය චෝදනා නඟන පිරිස් පන්දහසක් පමණ නිල වශයෙන් මරා දමා ඇති අතර එහෙත් මානව හිමිකම් සංවිධාන චෝදනා කරන්නේ සැබෑ සංඛ්‍යාව 20,000 ඉක්මවන බවයි.
එසේ මරා දමන ලද පිරිස අතර කුඩා දරුවන් ද වන බවටයි මානව හිමිකම් සංවිධාන චෝදනා කරන්නේ.
ශ්‍රී ලංකාවේ ජනාධිපතිවරයා පිලිපීනජනාධිපතිවරයාගේ මරණ දඬුවම් මාර්ගයේ යාමට අපේක්ෂා කරන්නේ නම් ඕලන්දයේ හේග් නුවර ජාත්‍යන්තරඅපරාධ අධිකරණය හමුවට යාමටත් සූදානම්ව සිටිය යුතු බවට මුල් පෙලේ මානව හිමිකම් සංවිධානයක් වන අයි ඩිෆෙන්ඩ් අනතුරු අඟවා තිබුනි.
එමඅනතුරු ඇඟවීම නොතකන බවක් පෙන්වූ ජනාධිපතිවරයා තමන් විවේචනය කරන රාජ්‍ය නොවනසංවිධාන මත්ද්‍රව්‍ය ජාවාරම් කරුවන්ට සම්බන්ධ බවට චෝදනා නගමින් මරණ දණ්ඩනය ක්‍රියාත්මකකිරීම ආරක්ෂක අංශ වලට දැනටමත් “පවරලා දීලා ඉවර” බව කියා සිටියේය.
මරණ දඬුවම අත්හිටුවීමට එක්සත් ජාතීන්ගේ සාමාජික රටවල් සාතිශය බහුතරයක් එළැඹි සම්මුතියට ශ්‍රී ලංකාවද හවුල් වී සිටී.
Facebook Comments
