අකුරට වැඩ කිරිමේ වෘත්තිය ක්‍රියාමාර්ගයක් ආරම්භ කර ඇති ශ්‍රී ලංකා රේගුව සඳහා මහා භාණ්ඩාගරයේ අධ්‍යක්ෂ ජනරාල් එච්.ජී. සුමනදාස වැඩ බලන රේගු අධ්‍යක්ෂක ජනරාල් ලෙස පත් කර තිබේ.
රේගු අධ්‍යක්ෂකවරිය ලෙස කටයුතු කල පී.එස්.එම් චාර්ල්ස් ඉවත් කර නාවික හමුදාවේ විශ්‍රාමික රියර් අද්මිරාල් ශමාල් ප්‍රනාන්දු එම ධුරයට පත් කිරීමට විරෝධය පා රේගු නිලධාරින් බ1හස්පතින්දා වෘත්තිය ක්‍රියාමාර්ග ගනු ලැබීය.
රේගු අධ්‍යක්ෂ ජනරාල් තනතුරට ශ්‍රී ලංකා රේගු සේවයේ හෝ පරිපාලන සේවයේ නොවන අයෙකු පත්කිරීමට විරෝධතාවය පළ කරමින් වෘත්තිය ක්‍රියාමාර්ගයට පිවිසි බවයි රේගු නිලධාරීගේ සංගමයේ ලේකම් විපුල මිනුවන්පිටිය පවසන්නේ.
කෙසේ වෙතත් රේගු වෘත්තිය සමිති සමඟ සාකච්ඡා කර ගැටලුව විසඳ ගන්නා තුරු එච්.ජී. සුමනදාස වැඩ බලන රේගු අධ්‍යක්ෂක ජනරාල් ලෙස පත් කල බවයි රජය පෙන්වා දෙන්නේ.
තම සාමාජිකයන් සමග සාකච්ඡා කර වෘත්තිය ක්‍රියාමාර්ග පිළිබද අවසන් තීරණයක් ගන්නා බවත් එතෙක් අකුරට වැඩ කිරීමේ වෘත්තිය ක්‍රීයාමාර්ගය අඛණ්ඩව ක්‍රියාත්මක කරන බවයි රේගු නිලධාරීගේ කියා සිටියේ.
Facebook Comments
