වර්ෂ 2022 වන විට ශ්රි ලංකාව තොරතුරු සන්නිවේදන තාක්ෂණ ක්ෂේත්රයේ නවෝත්පාදන හා ඩිජිටල් සවිබල ගැන්වීම සහිත තරඟකාරී කේනද්රස්ථානයක් බවට පත් කර එමඟින් අනාගතයේදී තොරතුරු තාක්ෂණ ක්ෂේත්රයේ රැකියා ලක්ෂ 02 ක් උත්පාදනය කිරීමට සැලසුම් කර ඇති බවයි කර්මාන්ත හා වාණිජ කටයුතු අමාත්යවරයා පවසන්නේ.
“මුළු ලෝකයම අද නව ව්යාපාර, තොරතුරු සන්නිවේදන තාක්ෂණය අනුව පරිවර්තනය වෙමින් පවතිනවා. අප රටේ තොරතුරු සන්නිවේදන තාක්ෂණ අපනයනය සිව්වන ස්ථානයේ පවතිනවා. එය ඉදිරි වසර කිහිපය තුළ පළමු ස්ථානයට ගෙන ඒමට අප සැලසුම් කරලා තියෙනවා.” යි අමාත්ය රිෂාඩ් බදියුදීන් කොළඹදී පැවති, අසියානු ශාන්තිකර කලාපීය සමූපකාර සංවර්ධණය සඳහා වූ වැඩමුළුව අමතිමින් ප්රකාශ කළේය.
මේ වන විට මෙම තොරතුරු සන්නිවේදන තාක්ෂණ අංශය රටේ වේගයෙන්ම ව්යාප්ත වන අංශයක් බවට පත්ව ඇති බව පෙන්වා දී ඇති ඇමැතිවරයා තොරතුරු සන්නිවේදන තාක්ෂණ ක්ෂේත්රයේ සහ එම විශේෂඥයින් දිරිමත් කිරීමටත්, ඔවුන් නඟා සිටුවීමටත් ඩිජිටල් සංවර්ධනය යටතේ කළ යුතු බව පවසා තිබේ.
ඒ සඳහා අප මේ වන විටත් සැලසුම් කර ඇති පවසන කර්මාන්ත හා වාණිජ කටයුතු අමාත්ය රිෂාඩ් බදියුදීන් දේශීය තොරතුරු සන්නිවේදන තාක්ෂණ ආයතන 300 කට වඩා වැඩි ප්රමාණයක සිසුන් තමන්ගේම පරිගණක මෘදුකාංග නිෂ්පාදනය කර ඒවා ලෝකයේ රටවල් ගණනාවකට අපනයනය කර ඇති බව කියා සිටියේය.
“උතුරු ඇමරිකාව, යුරෝපා සංගමය, ඕස්ට්රෙලියාව, මැද පෙරදිග රටවල්, අප්රිකාව, නැගෙනහිර ආසියාව හා උතුරු කලාපය ඒ අතර විශේෂ වෙනවා. මීට අමතරව අප ලෝකයේ ” සුපිරි 500 ” කර්මාන්ත සමගද එකතුවී සිටිනවා. එසේම ස්වීඩනය,නෝර්වේ, එක්සත් ජනපදය හා ජපානය ඇතුළු රටවල් කීපයක් සමඟ තොරතුරු සන්නිවේදන තාක්ෂණ ක්ෂේත්රයේ හවුල් ව්යාපාරද ආරම්භ කරලා තියෙනවා.” යැයි ඇමැති රිෂාඩ් බදියුදීන් වැඩි දුරටත් ප්රකාශ කර තිබේ.
Facebook Comments
