නව නාවික හමුදාපතිවරයා ලෙස රියර් අද්මිරාල් එස්.එස්. රණසිංහ ජනාධිපති මෛත්‍රිපාල සිරිසේන විසින් පත් කර තිබේ.
ව්‍යවස්ථාවට අනුව ජනාධිපති වෙත පැවරී ඇති බලතල ප‍්‍රකාරව මෙම පත්කිරීම සිදුකර තිබෙන අතර නව පත්වීම ඔක්තෝබර් 26 දින සිට ක්‍රියාත්මක බව ජනාධිපති මාධ්‍ය අංශය නිවේදනය කරයි.
නව පත්වීමත් සමග රියර් අද්මිරාල් එස්.එස්. රණසිංහ වයිස් අද්මිරාල් නිලයට උසස් කර ඇත.
රියර් අද්මිරාල් එස්.එස්. රණසිංහ අදාළ පත්වීම් ලිපිය 25 බදාදා ජනාධිපති කාර්යාලයේදී ජනාධිපති ලේකම් ඔස්ටින් ප‍්‍රනාන්දු අතින් භාරගනු ලැබීය.
නව නාවික හමුදාපති ලෙස පත්වු රියර් අද්මිරාල් එස්.එස්. රණසිංහ නොවැම්බර් 19 වෙනිදා විශ්‍රාම යාමට නියමිත බව නාවික හමුදා ආරංචි මාර්ග පවසයි.
අඩු සේවා දිගුවක්
මේ අතර වසරක සේවා දිගුවක් ඉල්ලා සිටි නාවික හමුදාපති ට්‍රැවිස් සින්නයියා හට ජනාධිපතිවරයා ලබා දී තිබුනේ මාසයක පමණ කෙටි සේවා දිගුවකි.
නාවික හමුදාපතිවරයා ට්‍රැවිස් සින්නයියාට පෙර එම ධුරය දැරු රවීන්ද්‍ර විජේගුණවර්ධන හට ජනාධිපතිවරයා වසර දෙකක සේවා දිගුවක් ලබා දී තිබුණි.
මහින්ද රාජපක්ෂ පාලන සමයේ අනිවාර්ය විශ්‍රාම ගන්වන ලද නව නැගෙනහිර නාවික හමුදාපති ට්‍රැවිස් සින්නයියා මෛත්‍රී රනිල් ආණ්ඩුව විසින් උසස්වීමක් සමගින් නැවත සේවයේ පිහිටුවන ලද්දේ 2015 ඔක්තෝබරයේය.
Facebook Comments
