පාස්කු ප්‍රහාරයෙන් පසුව ජනපති විසින් අනිවාර්ය නිවාඩු යවා ඇති පොලිස්පතිවරයා එමඟින් සිය මුලික අයීතින් කඩවී ඇති බවට ඉහලම අධිකරණයට පැමිණිලි කර තිබේ.
නීතීඥ දිනේෂ් විදානපතිරණ මාර්ගයෙන් පොලිස්පති පුජිත ජයසුන්දර 29 බදාදා ගොණු කල පෙත්සමේ වග උත්තරකරුවන් ලෙස නීතීපති , වැඩ බලන පොලිස්පති සීඩී වික්‍රමරත්න, ව්‍යවස්ථාදායක සභාවේ සභාපති සහ කතානායක වන කරූ ජයසූරිය ,එහි සාමාජිකයින් වන අගමැති රනිල් වික්‍රමසිංහ, විපක්ෂ නායක මහින්ද රාජපක්ෂ,ආර් .සම්බන්ධන් , ජාවේඩ් යූසුෆ්, එන් සෙල්වකුමරන්,බිමල් රත්නායක, සහ හිටපු ආරක්ෂක ලේකම් වරයා ඇතුළු පිරිසක් නම්කරනු ලැබ සිටිති.
ජනාධිපතිවරයා තමන් ඉකුත් දා අනිවාර්ය නිවාඩු යවමින් කළ නියෝගය අත්හිටුවන ලෙස සහ පෙත්සම් විභාගය අවසන් වන තුරු තමා පොලිස්පති ධුරයෙන් ඉවත් කිරීම වළක්වාලවන නියෝගයක් නිකුත් කරන ලෙසයි පොලිස්පතිවරයා සිය පෙත්සමින් ඉල්ලා ඇත්තේ.
Facebook Comments
