අසරණ රෝගීන් වෙනුවෙන් කරපු දේවල් කොමිසමට පෙන්වන්නම් – සුව ඇමැති

0
397
Ivory Agency Sri Lanka
wedding people
Loading...

පසුගිය වසර 04 පුරා සෞඛ්‍ය අමාත්‍යාංශය සිදු කළ සේවාවේ වංචා දුෂණ සෙවීම සදහා විශේෂ කොමිසමක් පත්කිරීමේ යෝජනාවට බිය නොවන බවට සුව ඇමැතිවරයා ප්‍රකාශ කර තිබේ.

එසේ ජනාධිපතිවරයා විසින් කොමිසමක් පත් කළහොත් අසරණ රෝගීන් වෙනුවෙන් කල කී දෑ පෙන්විය හැකි බවට රජයේ වෛද්‍ය නිලධාරින්ගේ සංගමය සහ ජනාධිපති සිරිසේන අතර පැවැති සාකච්ඡාවක දී විශේෂ කොමිසමක් පත් කරන බවට ජනාධිපතිවරයා ප්‍රකාශ කළේ යැයි රජයේ වෛද්‍ය නිලධාරින්ගේ සංගමය මාධ්‍ය හමුවේ සිදුකල ප්‍රකාශයට ප්‍රතිචාර දක්වමින් අමාත්‍ය රාජිත සේනාරත්න පැවසීය.

“ජනාධිපති කොමිසන් සභා මීට පෙර විශාල සංඛ්‍යාවක් පත් කර තිබෙනවා. මම කියන්නේ කොමිසන් සභා එකක් නොවෙයි දහයක් පත් කරන්න ඕනෑම කොමිසමක් දාලා පරීක්ෂණ පවත්වන්න මම එතකොට පෙන්වන්නම් අසරණ රෝගීන් වෙනුවෙන් මම කරපු දේවල්.” යි අමාත්‍යවරයා ප්‍රකාශ කළේය.

දුම්කොළ පාලනය සදහා බදු පැනවීම, පැණිබිම වර්ග වලට වර්ණ සංකේත ක්‍රමයක් හදුන්වාදීම සහ බදු පැනවිම ඇතුලු වැඩපිළිවෙල පිළිබදව වෛද්‍යවරුන් හොදින්ම දන්න බව පවසන සුව ඇමැතිවරයා තමන් සෞඛ්‍ය වෙනුවෙන් කල සේවාව එම කොමිසමේ සාමාජිකයින් තේරුම් ගනු ඇති බවට විශ්වාසය පල කළේය.

ඖෂධ වර්ග 73 ක මිල අඩු කිරීම, හෘද රෝගීන් සදහා ස්ටෙන්ස් මිල අඩු කිරිම, අක්ෂි කාච මිල අඩු කිරීම, පිළිකා රෝගීන්ට ජිවිත කාලයටම ප්‍රතිකාර කිරීමට අවස්ථාව ලබාදිම, ඖෂධ හිඟයකින් තොරව රෝහල් වලට සැපයීම, නොමිලේ අක්ෂි කාච සහ ස්ටෙන්ස් රෝගීන්ට ලබාදීම ඇතුලුව තමන් විසින් දියත් කරන ලද රෝගී සත්කාරක සේවවාන් ලෝක බැංකුව, ලෝක සෞඛ්‍ය සංව්ධානය, යුනිසෙෆ් සංවිධානයේ ඇගයීමට ලක් කර ඇති බව ද ඇමැතිවරයා කියා සිටියේය.

සෞඛ්‍ය අමාත්‍යාංශයේ පසුගිය වසර 04 මෙන්ම ඊට පෙර ද සිදු වූ වංචා දුෂණ පිළිබදව පරික්ෂණ පැවැත්වීම ද කාලෝචිත බවයි සුව ඇමැති වෛද්‍ය රාජිත සේනාරත්න වැඩි දුරටත් පෙන්වා දෙන්නේ.

Facebook Comments

Loading...