“මහරජ සංකල්පයේ” ඉන්නා බවට අගමැතිගෙන් ජනමාධ්‍යයට දොස්

0

රට තුල ප්‍රජාතන්ත්‍රවාදය නැතැයි ප්‍රචාරය කරන ජනමාධ්‍ය තවමත් සිටින්නේ මහරජ සංකල්පයේ බවට අගමැතිවරයා චෝදනා කරයි.

මහරජවරුන් සිටින රටකට ප්‍රජාතන්ත්‍රවාදය අවශ්‍ය නොමැති බවත් ප්‍රජාතන්ත්‍රවාදය ඇත්තේ ඊට ප්‍රතිවිරුද්ධව බවත් අගමැති රනිල් වික්‍රමසිංහ කෑගල්ලේ පැවති ඉඩම් හිමිකම් ඔප්පු ප්‍රදානය කිරීමේ අවස්ථාවකට එක්වෙමින් කියා සිටියේය.

“රටේ ජනමාධ්‍ය පවසන්නේ රටේ ප්‍රජාතන්ත්‍රවාදයක් නොමැති බවයි. ඔවුන් තවමත් සිටින්නේ මහරජ සංකල්පයේයි. මහරජවරුන් සිටින රටකට ප්‍රජාතන්ත්‍රවාදයක් ඇත්තේ නැහැ. ප්‍රජාතන්ත්‍රවාදය ඇතිවුණේ ඊට විරුද්ධවයි.” යනුවෙන් අගමැති පවසයි.

ඕනෑම මතයක් ප්‍රකාශ කිරීමට, සමාජ වෙබ් අඩවි හරහා සත්‍ය හෝ අසත්‍ය පුවත් ප්‍රචාරය කිරීමට ජනතාවට හැකියාව ලැබී ප්‍රජාතන්ත්‍රවාදී වතාවරණය නිසා බවයි අගමැතිවරයා පෙන්වා දෙන්නේ.

එම ප්‍රජාතන්ත්‍රවාදී වාතාවරණය තුල ඇතැම් අය ඉන් ප්‍රයෝජන ගන්නවා මෙන්ම තවත් පිරිසක් අයුතු ප්‍රයෝජන ගනිමින් සිටින බවටයි අගමැතිවරයා චෝදනා කරන්නේ.

තමන්ට කිසිවෙක් හෝ හිට්ලර් වැනි පාලකයකු වන්නට කිවහොත් එය එකහෙලා ප්‍රතික්ෂේප කරන බව කී අගමැති රනිල් වික්‍රමසිංහ ගෝඨාභය රාජපක්ෂ හට හිට්ලර් වන්නට කියු ප්‍රකාශ ඔහු හෙළා නොදැක්ක බව ද සිහිපත් කළේය.

“නැපෝලියන් වැනි පාලකයින් රටට අවශ්‍ය නැහැ. හිට්ලර් කෙනෙක් වෙන්නට යැයි කවුරුන් හෝ මට පැවසුවා නම් එම ප්‍රකාශය නිවැරදි නොවන මම ඒ මොහොතේම පවසනවා. නමුත් ගෝඨාභය රාජපක්ෂ මහතා මෙම ප්‍රකාශය හෙලා දැක්කේ නැහැ.”

එම හේතුව නිසා ගෝඨාභය රාජපක්ෂව මාධ්‍ය මඟින් විවේචනය කළ යුතු බව පැවසු අගමැති රනිල් වික්‍රමසිංහ එහෙත් ශ්‍රී ලංකාවේ මාධ්‍ය එසේ නොකළ බවයි වැඩි දුරටත් කියා සිටියේ.

Facebook Comments

wedding people