ඇෆ්ගනිස්ථාන ජනාධිපති අෂ්රෆ් ගානි, හජ් උත්සවය නිමිත්තෙන් රූපවාහිනිය ඔස්සේ සජීවීව අදහස් දක්වමින් සිටියදී, සටන්කාමීන්ගෙන් ජනාධිපති මන්දිරය දෙසට රොකට් ප්‍රහාර කිහිපයක් එල්ල කර ඇතැයි විදෙස් මාධ්‍ය වාර්තා කරයි.
රොකට් ප්‍රහාර 12 ක් පුපුරා ගිය අතර 20 කට වැඩි රොකට් ප්‍රහාර ප්‍රමාණයක් එල්ල වු බව එරට ආරක්ෂක අංශ සදහන් කර ඇත.
මෙම ප්‍රහාරවලින් කිසිවෙකුත් තුවාල ලබා නොමැති බවටයි විදෙස් මාධ්‍ය වාර්තා කරන්නේ.
පළමු රොකට් ප්‍රහාරය ජනාධිපති මන්දිරයටත්, දෙවැන්න කාබුල් අගනුවර පිහිටි අමෙරිකානු තානාපති කාර්යාලයටත් එල්ල වී ඇති බව වාර්තා වන අතර තානාපති කාර්යාලයට කිසිදු හානියක් සිදුව නොමැත.
ප්‍රහාරය වගකීම මෙතෙක් කිසිවෙකු විසින් බාර ගෙන නොමැති බවයි විදෙස් මාධ්‍ය වැඩි දුරටත් වාර්තා කරන්නේ.
Facebook Comments
