පාස්කු ඉරිදා ත්‍රස්ත ප්‍රහාරය වැළැක්වීමට අපොහොසත් වීම සම්බන්ධයෙන් හිටපු ආරක්ෂක අමාත්‍යංශයේ ලේකම්වරයාට සහ හිටපු පොලිස්පතිවරයාට එල්ල වී තිබූ සියලූ චෝදනාවලින් නිදොස් කොට නිදහස් කිරිමට කොළඹ මහාධිකරණය නියෝග කර ඇත.
නිශ්චිත බුද්ධි තොරතුරු ලැබී තිබියදීත් පාස්කු ප්‍රහාරය වළක්වා ගැනීමට ක්‍රියාමාර්ග නොගැනීම තුළින් සාපරාධී ලෙස රාජකාරිය පැහැර හැරීම ඇතුලු චෝදනා හිටපු ආරක්ෂක අමාත්‍යංශයේ ලේකම් හේමසිරි ප්‍රනාන්දුට සහ හිටපු පොලිස්පති පුජිත ජයසුන්දරට විරුද්ධව ගොණු කර තිබුණි.
අදාළ නඩුව 18 සිකුරාදා කැඳවු අවස්ථාවේදී නාමල් බලල්ලේ ,ආදිත්‍ය පටබැඳිගේ හා මොහොමඩ් ඉර්සදීන් යන කොළඹ ත්‍රිපුද්ගල මහාධිකරණ විනිසුරු මඩුල්ල ඒකමතිකව මෙම තීන්දුව ප්‍රකාශ කළේ ය.
අධිචෝදනා 855 යටතේ නීතිපතිවරයා පවරා තිබූ මෙම නඩුවෙන් හේමසිරි ප්‍රනාන්දු නිදහස් කෙරුනේ විත්තියේ සාක්කි කැඳවීමකින් ද තොරවයි.
Facebook Comments
