යහපාලන රජය නියෝජනය කරන ප්‍රධාන පක්ෂ දෙක එකඟ වන්නේ නම් නව ආණ්ඩුක්‍රම ව්‍යවස්ථාවක් ගෙන ඒමට තවමත් ඉඩ ඇති බව ව්‍යවස්ථා සම්පදන මණ්ඩලය නියෝජනය කරන පාර්ලිමේන්තු මන්ත්‍රීවරයෙකු පවසයි.
නව ආණ්ඩු ක්‍රම ව්‍යවස්ථාවක් ගෙන ඒමට ඉඩ කඩ නැති බැවින් 20 වන සංශෝධනය ගෙන එන බවට ජනතා විමුක්ති පෙරමුණ පවසන කාරණාව සම්බන්ධයෙන් තමන් එකඟ නොවන බවයි ආචාර්ය ජයම්පති වික්‍රමරත්න මන්ත්‍රීවරයා පවසන්නේ.
කෙසේ වෙතත් පාර්ලිමේන්තුවට 20 වන සංශෝධන යෝජනාව ඉදිරිපත් කිරීමට විරුද්ධතාවක් නැති බව මෙන්ම එයට සහයෝගය ලබා දෙන බව ද ඔහු කියා සිටි.
ජනවාරි 08 වනදා නව රජයට බලයට පත් වන විට දුන් පොරොන්දු වලට අනුව සම්පූර්ණ කළ නොහැකිව තිබූ බොහෝ දේ 20 වන සංශෝධනයට ඇතුළත් කර ඇති බවයි මන්ත්‍රීවරයා පෙන්වා දෙන්නේ.
ජනාධිපතිධූර බලතල ඉවත් කිරීම ඇතුළු කරුණූ ගණනාවක් 20 වන සංශෝධනයට ඇතුළත් කර ඇති බව පෙන්වා දෙන පාර්ලිමේන්තු මන්ත්‍රී ආචාර්ය ජයම්පති වික්‍රමරත්න 19 වන සංශෝධනය සම්ම්ත කර ගැනීමේදී එහි ඇති කරුණූ සම්පූර්ණ කර ගැනිමට නොහැකි වූ බවත් විරුද්ධ පක්ෂය සමග කේවල් කර ඇතැම් දේ අතහැරීමට සිදු වූ බවයි වැඩි දුරටත් පවසන්නේ
Facebook Comments
