ගෝඨාභය රාජපක්ෂ ආරක්ෂක ලේකම් ධුරය දරන සමයේ මිලිටරි ක්‍රමයක් අනුගමනය කිරිම නිසාවෙන් ඔහු රාජ්‍ය නායකයෙකු වීම සුදුසු නැති බව ඒකාබද්ධ විපක්ෂය නියෝජනය කරන වාමාංෂික නායකයෙකු පවසයි.
ජනාධිපති ධුරය ඔහුට නොගැලපෙන බව මෙන්ම ජනාධිපති අපේක්ෂකයෙක් වී ගෝඨාභය රාජපක්ෂ හට ජය ගත නොහැකි බවට 27 සෙනසුරාදා මාධ්‍ය අමතමින් වාසුදේව නානායක්කාර කියා සිටියේය.
“එතුමාට ජයග්‍රහණය කරන්න අමාරුයි කියන එකයි මගේ අදහස. ලේකම් හැටියට ඉන්න කාලේ මිලිටරි ක්‍රමයක් තමයි එතුමා අනුගමනය කලේ” යැයි වාසුදේව මන්ත්‍රීවරයා ප්‍රකාශ කළේය.
එළඹෙන ජනාධිපතිවරණයේදී ඒකාබද්ධ විපක්ෂයේ අපේක්ෂකයා ලෙස චමල් රාජපක්ෂ සුදුසු බවයි මන්ත්‍රීවරයා පෙන්වා දෙන්නේ.
“ජනාධිපති ඡන්දය තියන්නම වුණොත් චමල් හොඳයි. චමල් මධ්‍යස්ථයි. චමල් රාජපක්ෂ මහත්තයා ගැන මම කියන්නේ රාජපක්ෂ පවුලේ කෙනෙක් හැටියට සලකලා නෙවේ” යි වාසුදේව නානායක්කාර මන්ත්‍රීවරයා වැඩි දුරටත් කියා සිටියේය.
Facebook Comments
