ප්‍රචණ්ඩ සිංහලයන් රකිමින් STF මුස්ලිමුන්ට පහර දුන් බවට චෝදනා

1
9384

මහනුවර දිගන ප්‍රදේශයේ මුස්ලිම් වරුන් ඉලක්ක කරමින් සිංහල දැඩි මතධාරී පිරිස් විසින් දියත් කරන ලද ප්‍රහාරයට ආරක්ෂක අංශ වල සහය ලැබුනු බවට ප්‍රදේශයේ මුස්ලිම් ජනයා මෙන්ම පළාත නියෝජනය කරන අමාත්‍යවරයකුද චෝදනා කරයි.

ඇඳිරි නීතිය ක්‍රියාත්මක කර තිබියදී සිංහල පිරිස් වෙත ප්‍රහාරය දියත් කිරීමට පොලිස් විශේෂ කාර්ය බලකාය ඉඩකඩ ලබා දුන් බවට චෝදනා කරන ප්‍රහාරයට ලක් වූ මුස්ලිම් ජනයා තමන් ආරක්ෂා කිරීම වෙනුවට ආරක්ෂක අංශ කළේ තමන්ට පහර දීම බවද සිලෝන් ජර්නල්ස් හා කියා සිටියේය.

“සිංහල අය ගහද්දි බේරෙන්ඩ අපි ගම් ඇතුලට ගියා. අපිට ගහන්ඩ ආපු සිංහල අයව අපි එලෙව්වා. එතකොට අපිට STF එකෙන් කඳුලු ගෑස් ගහලා බැටන් පොලු වලින් ගහලා ‘උඹලගේ අල්ලා දෙවියන් දැන් උඹලව බේරගනී’ කියලා ගහලා පැන්නුවා”

පල්ලෙකැලේ පිහිටි මුස්ලිම් දේවස්ථානය වෙත සිංහල දැඩි මතධාරී පිරිස් ප්‍රහාරය එල්ලකරන ලද්දේ පොලිසිය සහ පොලිස් විශේෂ කාර්ය බලකාය බලා සිටියදී බව නම සඳහන් නොකරන ලෙස ඉල්ලා සිටි ප්‍රහාරයට ලක් වූ මුස්ලිම් ව්‍යාපාරිකයකු සිලෝන් ජර්නල්ස් වෙත ප්‍රකාශ කළේය.

සිදුවී ඇති හානිය දැකබලා ගැනීමට 6 අඟහරුවාදා ප්‍රදේශයට ගොස් සිටි තැපැල් හා මුස්ලිම් කටයුතු අමාත්‍ය අබ්දුල් හලීම් ද මාධ්‍යවේදීන්ට ප්‍රකාශ කළේ මුස්ලිම්වරුන්ට විරුද්ධව STF කටයුතු කළ බවට තමන්ට පිළිගත හැකි තොරතුරු ලැබී ඇති බවයි.

දිගන දී සිදුකරන ලද මුස්ලිම් විරෝධී ප්‍රහාරය වළක්වාගැනීමට නොහැකි වූයේ පොලීසිය අක්‍රීයව ක්‍රියා කල නිසා බව රජයද පිළිගෙන තිබුනි.

“මෙම සංවිධානාත්මක හා කඩාකප්පල්කාරී ක්‍රියාවන්ට එරෙහිව දැඩි නීතිමය ක්‍රියාමාර්ග ගැනීමට රජය කිසිසේත් පසුබට වන්නේ නැහැ,” යි අගමැති රනිල් වික්‍රමසිංහ පාර්ලිමේන්තුවට පොරොන්දු විය.

“දිගන අවාසනාවන්ත සිදුවීම ව්‍යාප්ත වීමට හේතු වූයේ පොලීසිය ඇදහිය නොහැකි අකාර්යක්ෂමතාව නිසා” යැයි කැෆේ සංවිධානයේ විධායක අධ්‍යක්ෂ රජිත් කීර්ති තෙන්නකෝන් ප්‍රහාරය හෙලා දකිමින් නිවේදනයක් නිකුත් කරමින් කියා සිටියේය.

Facebook Comments

wedding people