ඇමරිකන් ඔත්තු සේවා ජනපති ට්‍රම්ප්ට එරෙහි වෙයි

0
598
wedding people
Loading...

ජනපති ට්‍රම්ප් ඇමරිකාවේ ජනාධිපති ධුරයට පත්වූ 2016 මැතිවරණයේදී රුසියාව ඊට බලපෑම් සිදුකළේ ද යන්න පිළිබදව පරීක්ෂණයක් ක්‍රියාත්මක බව එෆ්.බී.අයි. ඔත්තු සේවාව ඊයේ තහවුරු කළා.

ඇමරිකානු කොංග්‍රස් මණ්ඩල බුද්ධි කමිටුව හමුවේ සාක්ෂි ලබාදෙමින් එෆ්.බී.අයි. ඔත්තු සේවාව මේ බව තහවුරු කර තිබේ.

එෆ්.බී.අයි. ඔත්තු සේවාවේ අධ්‍යක්ෂ ජේම්ස් කොමේ එහිදී කියා සිටියේ රුසියානු ජනාධිපති ව්ලැදිමීර් පුටින්, ඩිමොක්‍රටික් පක්ෂ ජනාධිපති ධුර අපේක්ෂිකා හිලරි ක්ලින්ටන් කෙරෙහි දැඩි වෛරයකින් පසුවූ බව සහ මේ නිසා ඇගේ ජනාධිපතිවරණ ප්‍රචාරක සටන අඩපණ කරන ලෙස ජනපති පුටින් නියෝග කර තිබූ බව ඔහු කියා සිටියා.

ඇමරිකානු ජාතික ආරක්ෂක ඒජන්සියේ ප්‍රධානියා වන අද්මිරාල් මයික් රොජර්ස් ද කොංග්‍රස් බුද්ධි කමිටුව හමුවේ ඊයේ සාක්ෂි දුන් අතර, ජනපති ට්‍රම්ප්ගේ දුරකථන සංවාද වලට රහසිගතව කන්දෙන ලෙස ඔබාමා පරිපාලනය නියෝග කළේ යැයි ජනපති ට්‍රම්ප් එල්ල කරන චෝදනා ප්‍රතික්ෂේප කළේය.

කෙසේ නමුත්, ධවල මන්දිරය ප්‍රකාශ කළේ ඔත්තු සේවාවන් ට්‍රම්ප් පරිපාලනයට එරෙහි වුවද එය රජයේ ස්ථාවරභාවයට තර්ජනයක් නොවන බවයි.

Facebook Comments

Loading...