ජනාධිපතිවරයා විසින් පාර්ලිමේන්තුවේ වාර අවසන් කිරිමෙන් දේශපාලන අර්බුදයක් ඇතිවිමේ දැඩි අවධානමක් පවතින බවට දේශපාලන විචාරකයෝ අනාවැකි පල කරති.
නව සභාවාරය ආරම්භ වන විට ජනාධිපතිවරයා විසින් පවත්වනු ලබන රාජාසන කතාව පරාජයට පත්වුවහොත් මහ මැතිවරණයක් පැවැත්වීමට පවා සිදු වනු ඇති බවටයි ඔවුන් පෙන්වා දෙන්නේ.
අගමැතිනි සිරිමාවෝ බණ්ඩාරනායක පාලන සමයේ රාජාසන කතාවක් පරාජයට පත්වීම නිසා 1964 වසරේදී ද මහ මැතිවරණයක් පැවැත්වීමට සිදුව තිබේ.
පාර්ලිමේන්තුවේ සභා වාරයක් අවසන් කර නව සභාවාරයක් කැදවූ අවස්ථාවේ දී රාජාසන කතාව පරාජයට පත්වූයේ ශ්රී ලංකා නිදහස් පක්ෂයේ මන්ත‍්‍රී කණ්ඩායමක් එක්සත් ජාතික පක්ෂය සමග එක්ව රාජාසන කතාවට විරුද්ධව ජන්දය ප‍්‍රකාශ කිරීම නිසාවෙනි.
ශ්රී ලංකා නිදහස් පක්ෂයේ බෙදීම හේතු කොට ගෙන නැවත එවැනි තත්ත්වයක් ඇති විය හැකි බවටයි දේශපාලන විචාරකයින් අනතුරු අඟවන්නේ.
Facebook Comments
