සම්මුතිවාදි රජය තවදුරටත් පවත්වාගෙන යාම පිළිබඳ සොයා බැලීමට ජනාධිපතිවරයා විසින් ශ්‍රී ලංකා නිදහස් පක්ෂ අමාත්‍යවරුන්ගෙන් යුත් කමිටුවක් පත්කර තිබේ.
අමාත්‍ය සරත් අමුණුගමගේ ප්‍රධානත්වයෙන් පත් කර ඇති කමිටුවට සහ ශ්‍රී ලංකා නිදහස් පක්ෂ මහ ලේකම් අමාත්‍ය දුමින්ද දිසානායක ඇතුළු අමාත්‍යවරු පස්දෙනෙකු ඇතුලත් වේ.
ජනාධිපති මෛත්‍රීපාල සිරිසේනගේ බ්‍රිතාන්‍ය සංචාරයෙන් අනතුරුව කමිටු නිර්දේශ ජනාධිපතිවරයා වෙත බාර දීමට නියමිතව ඇත.
අලුත් සම්මුතිවාදී ආණ්ඩුවක්
සම්මුතිවාදී ආණ්ඩුව ශක්තිමත්ව ඉදිරියට පවත්වාගෙන යාම සඳහා එක්සත් ජාතික පක්ෂය සමග යළි අවබෝධතා ගිවිසුමකට එළඹීමට ඇති හැකියාව සොයා බැලීමට මෙම කමිටුව පත්කර ඇති බවටයි දේශපාලන ආරංචි මාර්ග පවසන්නේ.
ඒ අනුව ඉදිරි දින කිහිපය තුලදී එක්සත් ජාතික පක්ෂයේ නායකයින් සමග සාකච්ජා කර නව අවබෝධතා ගිවිසුමක් කෙටුම්පත් කරන ලෙස ජනාධිපති මෛත්‍රීපාල සිරිසේන විසින් සරත් අමුණුගම අමාත්‍යවරයා හට උපදෙස් දී තිබේ.
අලුත් කැබිනෙට්ටුවක් සමඟ අලුත් සම්මුතිවාදී ආණ්ඩුවක් පවත්වාගෙන යාමට ජනපති සහ අගමැති එකඟත්වය පල කර ඇති බවයි සිරිකොත ආරංචි මාර්ග සඳහන් කරන්නේ.
Facebook Comments
