පොලිස් මුල්‍ය අපරාධ ඒකකය මගින් අත්අඩංගුවට ගෙන ඇප නියම වු හිටපු අමාත්‍ය මහින්දානන්ද අලුත්ගමගේ ඇප කොන්දේසි සපුරාලීමට අපොහොසත් වීම හේතුවෙන් බන්ධානාගාර ගත කර තිබේ.
ඇප කොන්දේසි යටතේ ඔහුගේ විදේශ ගමන් බලපත්‍රය මහේස්ත්‍රාත් අධිකරණය වෙත බාර දෙන ලෙස කොළඹ කොටුව මහේස්‍ත්‍රත් ලංකා ජයරත්න නියෝග කරන ලදී.
පාර්ලිමේන්තු මන්ත්‍රිවරයා සිය විදේශ ගමන් බලපත්‍රය දැනට මහාධිකරණය භාරයේ පවතින බව අධිකරණයට පවසා ඇතත් ඒ බව සනාථ කිරීමට අදාළ සාක්ෂි ඉදිරිපත් කිරීමට අපොහොසත් වීම හේතුවෙන් ඇප අවලංගු කර 17 අඟහරුවාදා දක්වා රක්ෂිත බන්ධනාගාර ගත කිරීමට අධිකරණය නියම කළේය.
2014 වසරේ ක්‍රීඩා අමාත්‍යවරයාව සිටියදී කැරම් බෝඩ් 14,000 ක් සහ දාම් බෝඩ් 11,000 කට වැඩි ප්‍රමාණයක් මිලදී ගැනීමේදී රුපියල් මිලියන 39 ක මුදලක් අවභාවිත කර ඇති බවට පාර්ලිමේන්තු මන්ත්‍රී මහින්දානන්ද අලුත්ගමගේ හට චෝදනා එල්ල වී ඇත.
තමන් අත්අඩංගුවට ගැනීම වළක්වන ලෙසට නියෝගයක් නිකුත් කරන්නැයි ඉල්ලා මහින්දානන්ද අලුත්ගමගේ අභියාචනාධිකරණයට රීට් පෙත්සමක් ගොනුකර තිබු අතර එය විභාගයට නොගෙනම ප්‍රතික්ෂේප කිරීමට අභියාචනාධිකරණය තීන්දු කර තිබිණි.
මන්ත්‍රීවරයා විසින් අත්අඩංගුවට ගැනීම වැළැක්වීමේ නියෝගයක් නිකුත් කරන මෙන් ඉල්ලා ශ්‍රේෂ්ඨාධිකරණයට ද විශේෂ අභියාචනා අවසර පෙත්සමක් ඉදිරිපත් කර ඇති නමුත් එය විභාගයට ගැනීමට තවමත් දින නියමවී නොමැත.
Facebook Comments
