නව ව්‍යවස්ථා සංශෝධනයට හා ජනමත විචාරණයට රජයේ පොඩි කල්ලියක් සහ හිටපු ජනපතිවරයා විරුද්ධ වුවද රට හදන බලෙවිග සමඟ එක්ව නව ව්‍යවස්ථාවක් ගෙන එමින් අලුත් රටක් ගොඩ නගන බවට සෞඛ්‍ය අමාත්‍යවරයා අවධාරණය කළේය.
ජනතාව යහපාලන රජයට බලය ලබාදුන්නේ වෙනස්ක් ඇති කිරිමේ බලාපොරොත්තුවෙන් බවත් එය ඉටු කරමින් ව්‍යවස්ථාව හා මැතිවරණ ක්‍රමය වෙනස් කිරිම සිදු කරන බවට සෞඛ්‍ය අමාත්‍ය රාජිත සේනාරත්න අවධාරණය කර සිටියේ “අලුත් ව්‍යවස්ථාවකින් රට ඉදිරියට” තේමාව යටතේ නව ආණ්ඩු ක්‍රම ව්‍යවස්ථාව සැකසීම පිළිබඳව 19 ඉරිදා පැවති ජනතාව දැනුවත් කිරිමේ වැඩසටහනකදීය.
නව ව්‍යවස්ථාවෙන් බුදු දහමට ප්‍රමුඛස්ථානය හිමි වන බවට සහ බලය බෙදාහැරිම ඒකීය රාජ්‍යයක් යටතේ සිදු වන බවට පැවසු අමාත්‍ය රාජිත සේනාරත්න ෆෙඩරල් රජ්‍යයක් ඉල්ලූ දෙමළ ජාතික සන්ධානයත් ඒකීය රාජ්‍යයක් යටතේ බලය බෙදාහැරිමේ ක්‍රියාවලියට එකඟ බවද පැවසීය.
යෝජිත නව ව්‍යවස්ථාව හරහා ග්‍රාම රාජ්‍ය සංකල්පය ඇති කරන බව සහ පළාත් සභා විසුරුවා හැරීමෙි බලය මධ්‍යම රජය සතු වන බවත් ඇමතිවරයා මෙහිඳි සඳහන් කළේය.
එළඔ ඇත්තේ අලුත් රටක් ගොඩ නැඟිමේ ස්වර්ණමය අවස්ථාව බවට විශ්වසය පළ කරන ඇමතිවරයා මෙම අවස්ථාවෙන් ප්‍රයෝජන ගන්නා ලෙසට සියළු දේශපාලන පක්ෂවලින් සහ ජනතාවගෙන් ඉල්ලීමක්ද කළේය.
Facebook Comments
