අනු පන් දහසකට වැඩි පිරිසක් කොරෝනා වලින් ගැලවෙයි

ලොවම ව්‍යසනයකට පත් කර තිබෙන කොරෝනා රෝගය වැළඳුණ රෝගීන් අනු පන් දහස් හත්සිය අනූ හත් දෙනෙකු රෝගයෙන් සුවය ලබා තිබේ.

කොරෝනා රෝග නිසාවෙන් මරණ 13,054 සිදුව තිබෙන බව 22 ඉරිදා උදෑසන නිකුත් වු වාර්තා වල දැක්වෙන අතර ලොව පුරා 307,725 දෙනෙකු රෝගයට ගොදුරුව සිටින බව ද වාර්තාවේ සඳහන්ව ඇත.

එක් දිනක් තුල කොරෝනා රෝගය හේතුවෙ නිසාවෙන් මිය ගිය වැඩිම ප්‍රමාණය 21 සෙනසුරාදා ඉතාලිය විසින් වාර්තා කළ අතර එදින පමණක් අවම වශයෙන් එරට මරණ 800ක් සිදුව තිබේ.

කොරෝනා රෝගය නිසා ලොව පුරා සිදුවී ඇති වැඩිම මරණ ප්‍රමාණයද ඉතාලියෙන් වාර්තා වන අතර එය 4,825 කි.

ගෙවී ගිය දින 4ක කාලය තුල චීනය තුලින් කිසිඳු චීන ජාතික කොරෝනා රෝගීයකු වාර්තා නොවී ඇති අතර එහෙත් රෝගය වැළදුණ 5,353 දෙනෙකු තවමත් ප්‍රතිකාර ලබමින් සිටන බව එරට මාධ්‍ය වාර්තා පෙන්වා දෙයි.

ලංකාවෙන් 77 ක්

ශ්‍රී ලංකාවෙන් 21 සෙනසුරාදා කොරෝනා රෝගය වැළදුණ 77 දෙනෙකු සොයා ගත් බව පවසන සෞඛ්‍ය අංශ අවම වශයෙන් රෝගය වැළදී ඇති බවට සැක කෙරෙන 245 දෙනෙකු වෛද්‍ය අධීක්ෂණය යටතේ සිටින බව කියා සිටී.

කොවිඩ් 19 හෙවත් කොරෝනා රෝගය දිවයින පුරා ව්‍යාප්තිය වළක්වාලීමට මේ වන විටත් රට පුරාම ඇඳිරි නීතිනය පනවා ඇති අතර කොළඹ,ගම්පහ සහ පුත්තලම දිස්ත්‍රික්ක හැර සෙසු පළාත් වලට 23 සඳුදා ඇඳිරි නීතිය ඉවත් කරන බවයි පොලිසිය පවසන්නේ.

කොළඹ,ගම්පහ සහ පුත්තලම දිස්ත්‍රික්ක වලට 24 අඟහරුවාදා උදෑසන 6.00ට ඇඳිරි නීතිය ඉවත් කර නැවත සවස 2.00ට ආරම්භ කරන බව පවසන පොලිසිය සෙසු පළාත් වලට සඳුදා උදෑසන 6.00 ඉවත් කරනු ලබන ඇඳිරි නීතිය ඉවත් කර ඒදිනම සවස 2.00ට යළි පැනවීමට තීන්දු කර තිබේ.

කෙසේ වෙතත් අවශ්‍යතාවය අනුව ඇඳිරි නීතිය පැනවීම පිළිබඳව ඉදිරියේදී ජනතාව වෙත දැනුම් දෙන බවද පොලිසිය සඳහන් කරයි.

මේ වන විට කොරෝනා රෝගිය වැළදිය හැකි බවට සැක කෙරෙන පුද්ගලයින් 3,063 දෙනෙකු රැදවුම් මධ්‍යස්ථාන 22ක් තුල නිරෝධායනයට ලක් වන බව පවසන කොවිඩ් නයින්ටීන් පැතිරීම වැළැක්වීමේ මෙහෙයුම් මධ්‍යස්ථානය ඒ අතර විදේශිකයින් 31 දෙනෙකු සිටින බවද සඳහන් කරයි.

මීට අමතරව සෞඛ්‍ය අංශ, බුද්ධි අංශ, යුධ හමුදාව, පොලිසිය සහ මහජන සෞඛ්‍ය පරික්ෂකයින් විසින් හදුනාගත් දස දහසක පමණ පිරිසක් ස්වයං නිරෝධායන ක්‍රියාවලියට අනුගත කිරීමට උපදෙස් ලබාදී තිබේ.

කොවිඩ් නයින්ටීන් වෛරසය ආසාදිත බවට සැකකෙරෙන පුද්ගලයන්ට සහ ආසාදිතයන්ට ප්‍රතිකාර කිරීම සදහා දිවයින පුරා රෝහල් 30ක් සූදානම් කර ඇති බව නියෝජ්‍ය සෞඛ්‍ය සේවා අධ්‍යක්ෂ විශේෂඥ වෛද්‍ය පබා පලිහවඩන පවසයි.